सर्लाही । सर्लाही प्रहरीले २ जना भारतीय फरार अपराधीलाई अमेरिकन पेस्तोल र त्यसमा लाग्ने ६ राउण्ड गोलीसहित पक्राउ गरेको छ ।
बरहथवा नगरपालिकाऔ ६ मगर टोलबाट इलाका प्रहरी कार्यालय बरहथवा र जिल्ला प्रहरी कार्यालय सर्लाहीबाट सादा पोशाकमा खटिएको संयुक्त टोलीले सोमबार राति उनीहरुलाई नियन्त्रणमा लिएको प्रहरी उपरीक्षक (एसपी) दयानिधी ज्ञवालीले जानकारी दिनुभयाे ।
पक्राउ पर्नेमा भारत बिहार जिल्ला सितामढ़ी थाना सैयारा ग्राम सैयारा बस्ने लक्ष्मण सिंहको छोरा २८ वर्षीय सन्नी कुमार सिंह र मोतिहारी गंगापिपरा बस्ने अशोक राउतको छोरा २४ वर्षीय जितेन्द्र कुमार राउत रहेका छन् ।
स्थानीय रामटहल महतोको घरमा डेरा गरि बसेको भन्ने विशेष सुराकीका आधारमा पुगेको प्रहरी टोली देख्ने बितिकै जितेन्द्र कुमार राउतले आफ्नो साथमा रहेको मेड ईन यएसए लेखेको नौ एमएमको स्वचालित पेस्तोलबाट १ राउण्ड गोली फायर गरेको समेत एसपी ज्ञवालीले जानकारी दिनुभयाे ।
उहाँका अनुसार तत्काल सुरक्षाकर्मीहरुले घेरा हालेर दुवैजना तथा उनीहरुको साथमा रहेको १ थान पेस्तोल, ६ राउण्ड गोली र फायर भएको १ थान खोका समेत बरामद् गरिएको छ ।
नियन्त्रणमा लिई जिल्ला प्रहरी कार्यालय मलंगवा ल्याउँदै गर्दा बसबरिया गाउँपालिका ६ पोखरीयाबाट ७०० मिटर अगाडी राउत प्रहरी भ्यानको पछाडीबाट भाग्न सफल भएका थिए ।
लगतै नियन्त्रणमा लिने क्रममा प्रहरीले राउतमाथि चाईनिज पेस्तोल टाईप ५४ बाट ५ राउण्ड फायर खोलिएको र निज त्यसक्रममा राउतको बाँया घुडा र दाहिने तिघ्रामा २ राउण्ड गोली लागेर उनी घाईते भएका छन् ।
उनको प्रादेशिक अस्पताल मलंगवामा प्राथमिक उपचार भईरहेको र थप उपचारका लागि मंगलबार बिहान जनकपुर पठाईएको जिल्ला प्रहरी कार्यालय मलंगवाका प्रवक्ता डीएसपी दिपेन्द्र पंजियारले जानकारी दिनुभयाे ।
राउतलाई लखेट्ने एवं नियन्त्रणमा लिने क्रममा प्रहरी जवानद्वय रमेश विक र दिपेश चौहान समेत लडेर सामान्य घाईते भएको जिप्रकाले जनाएको छ । उनीहरुको साथबाट BR06 AU 2018 नम्बरको भारतीय मोटरसाईकल समेत बरामद् भएको डीएसपी पंजियारले जानकारी दिनुभयाे ।
एसपी ज्ञवालीका अनुसार पक्राउ परेका दुवैजना २ वटा कर्तव्य ज्यान, १ ज्यान मार्ने उद्योग र एक लागूऔषध मुद्दामा भारतीय अदालतबाट दोषी करार भई फरार थिए।
नेपाली भूमिमा समेत उनीहरुले बैंक तथा सहकारी लुटपाटमा संलग्न भएको तथा कसैको हत्या गर्न सुपारी किलरको रुपमा समेत आएको हुनसक्ने आशंका सहित सूक्ष्म ढंगले अनुसन्धान भईरहेको एसपी ज्ञवालीले जानकारी दिनुभयाे।
पक्राउबारे जानकारी दिन जिल्ला प्रहरी कार्यालय मलंगवामा आयोजित पत्रकार सम्मेलनमा ईलाका प्रहरी कार्यालय बरहथवाका डीएसपी मुक्ति सापकोटा, जिल्ला प्रहरी कार्यालय मलंगवाकी ईन्स्पेक्टर संगिता पाण्डे लगायतको उपस्थिती रहेको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच