काठमाडौं । नेकपा एमालेका अध्यक्ष केपी शर्मा ओलीले आलोपालो संस्कृतिले राजनीतिक वृत्तमा अराजनीतिक सोच बढेको बताउनु भएको छ ।
नेपाली कांग्रेससँगको गठबन्धन भत्काएर प्रधानमन्त्री प्रचण्डले एमालेसँग नयाँ गठबन्धन बनाएपछि प्रधानमन्त्रीमा आलोपालोका विषयले चर्चा पाइरहेको बेला एमाले अध्यक्ष ओलीले यस्तो धारणा व्यक्त गर्नुभएको हो ।
बिहीबार साँझ सामाजिक सञ्जालमा अध्यक्ष ओलीले आलोपालो पदको अभ्यासले सञ्चारकर्मीदेखि समाजको ठूलो हिस्सालाई प्रभाव पारेको देखिन्छ र प्रश्नहरू सोधिने गरेको उल्लेख गर्नुभएको छ ।
आलोपालोको संस्कारले राजनीतिक वृत्तमा अराजनीतिक सोच बढेको उहाँले बताउनु भएको छ । नेतृत्वमा आलोपालो गरेर पद प्राप्त गर्ने कुरालाई पनि संस्कारका रुपमा लिन थालिएको भन्दै उहाँले आलोचना व्यक्त गर्नुभएको छ ।
'राजनीति अहिले तपाईंको पालो त्यसपछि मेरो पालो, मेरोपछि उसको पालो भनेर धारामा पानी थाप्न लाइन बसेजस्तो होइन । नेतृत्व गर्ने कुरा योग्यता, क्षमता, सक्रियता, बुझाइ र इमान्दारीमा भर पर्छ । यस्तो संस्कार बसाएर मात्र राजनीतिलाई गुणात्मक र परिणाममुखी बनाउन सकिन्छ ।' उहाँले भन्नुभएको छ । 'राजनीतिलाई गुण/दोषमा आधारित रहेर परीक्षण गर्ने संस्कार बसालौं, आलोरपालो वा तेरोरमेरोमा आधारित रहेर होइन।' उहाँको भनाइ छ ।
अध्यक्ष ओलीको स्टाटस
हाम्रो राजनीतिक वृत्तमा अराजनीतिक सोच यति बढेको छ कि नेतृत्वमा आलोपालो गरेर पद प्राप्त गर्ने कुरालाई पनि संस्कारका रुपमा लिन थालिएको छ । तर राजनीति अहिले तपाईंको पालो त्यसपछि मेरो पालो, मेरोपछि उसको पालो भनेर धारामा पानी थाप्न लाइन बसेजस्तो होइन । नेतृत्व गर्ने कुरा योग्यता, क्षमता, सक्रियता, बुझाइ र इमान्दारीमा भर पर्छ । यस्तो संस्कार बसाएर मात्र राजनीतिलाई गुणात्मक र परिणाममुखी बनाउन सकिन्छ । आलोपालो पदको अभ्यासले सञ्चारकर्मीदेखि समाजको ठूलो हिस्सालाई प्रभाव पारेको देखिन्छ र प्रश्नहरू सोधिन्छ - 'तपाईंको पालो कहिले, उहाँको पालो कहिले ?' हामी राजनीतिमा बसेको गलत संस्कारलाई तोड्दै अघि बढिरहेका छौं । राजनीतिलाई गुण/दोषमा आधारित रहेर परीक्षण गर्ने संस्कार बसालौं, आलो/पालो वा तेरो/मेरोमा आधारित रहेर होइन।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच