खोटाङ । खोटाङका कवि बम बानियाँ र चित्रकार सन्तोष(सन्जोस) राई टेम्के तुवाचुङ पुरस्कारबाट पुरस्कृत हुनुभएको छ ।
टेम्के तुवाचुङ प्रतिष्ठानको छैटौँ वार्षिक उत्सवका अवसरमा दिक्तेल रुपाकोट मझुवागढी नगरपालिका–१० पाथेकाका बानियाँ र सोही नगरपालिकाको बुइपाका राई शनिबार पुरस्कृत हुनुभएको हो ।
प्रतिष्ठानले दिक्तेलको मुडेस्थित मुन्दुम रिसोर्टमा वार्षिक उत्सव मनाएर सर्जकद्धयलाई जनही ११ हजार १११ रुपैयाँका साथमा कदर पत्र प्रदान गरेको छ । पुरस्कृत बानियाँ र राईलाई जिल्ला समन्वय समिति प्रमुख सन बहादुर राईले पुरस्कार प्रदान गर्नुभएको थियो।
बानियाँलाई आर्थिक वर्ष २०७८/०७९ को र राईलाई २०७९/०८० को वार्षिक पुरस्कार प्रदान गरिएको प्रतिष्ठानका अध्यक्ष भोगेन एक्लेले बताउनुभयो । ‘टेम्के तुवाचुङ प्रतिष्ठान सहयोग कोष’बाट आउने ब्याजबाट वार्षिक उत्सव गरेर पुरस्कृत गरिदै आएको अध्यक्ष राईले बताउनुभयो । उहाँका अनुसार आगामी वार्षिक उत्सवबाट पुरस्कार राशी बढाइनेछ ।
पुरस्कृतमध्ये बानियाँको ‘मान्छे जोत्ने सहर’ कविता चर्चित छ । प्रतिष्ठानले यसअघि गायिका राधा राई, मुर्तीकार रोजन राई, कवि चन्द्र रानोहँछा र खेलाडी सन्जय कुमार राईलाई पुरस्कृत गरिसकेको छ ।
प्रतिष्ठानले ‘टेम्के तुवाचुङ’ त्रैमासिक साहित्यिक पत्रिका प्रकाशन गर्दै आएको छ । नेपाल प्रेस काउन्सिलको वर्गीकरणमा उक्त साहित्यिक पत्रिका ‘क’ वर्गमा छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच