सोलुखुम्बु । फ्रान्सेली हृयुगो पिजन र क्यानडाकी कोरिन प्रिवोटले रत्नांगे एन्डुरोको दोस्रो सिजनको उपाधि हात पार्नुभएको छ । सोलुखुम्बुको फाप्लुमा भएको दोस्रो सिजनको माउण्टेन बाइक प्रतियोगितामा पुरुषमा फ्रान्सका हृयुगो पहिलो बन्नुभयो । साबिक विजेता नेपालका राजेश मगर दोस्रो र फ्रान्सका रेमी एब्सलान तेस्रो बन्नुभएको छ ।
महिलातर्फको स्पर्धामा कोरिन पहिलो बन्दा उषा खनाल दोस्रो र लक्ष्मी मगरले तेस्रो स्थान हासिल गर्नुभएको छ । संसारको सर्वोच्च शिखर सगरमाथालाई पृष्ठभूमिमा राखेर एन्डुरो रत्नांगेको दोस्रो सिजन फाप्लुमा सम्पन्न भएको छ । प्रतियोगितामा विश्वस्तरका बाइक राइडरसहित ४९ साहसिक खेलाडीले सहभागिता जनाएका छन् । एन्डुरो रत्नांगेलाई सबैभन्दा उच्च पर्वतमा हुने खेल स्पर्धाका रूपमा विकास गरिएको छ ।
दोस्रो संस्करणको प्रतियोगितामा फ्रान्सका तीन प्रतिष्ठित खेलाडीका रूपमा रेमी एब्सलान, हृयुगो पिजन र एमेरिक इन्जर सहभागी हुनुहुन्थ्यो । कठिन रुटमा आफ्नो खेल कौशल प्रदर्शन गर्ने खेलाडीका रूपमा प्रसिद्ध राइडरले प्रतियोगितामा नयाँ आयाम थप्नुभएको थियो ।
रत्नांगे ट्रेल सेन्टरमा आयोजित प्रतियोगिताबाट दर्शकलाई रोमाञ्चक खेल अवलोकनमात्र नभएर स्थानीय समुदायमा महत्वपूर्ण आर्थिक सम्भावनालाई प्रस्फुटन गर्ने आयोजक फाप्लु माउण्टेन बाइक क्लबले जनाएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच