काठमाडौं । गुजरात भ्रमणमा रहेको नेपाली राष्ट्रिय टिमले एसएमएस फ्रेण्डसिप टी-२० क्रिकेट प्रतियोगितामा विजयी सुरुवात गरेको छ । आइतबार भएको आफ्नो पहिलो टी-२० खेलमा गुजरातलाई आठ विकेटले पराजित गर्दै प्रतियोगितामा रवाफिलो सुरुवात गरेको हो ।
टस हारेर पहिले ब्याटिङ गरेको गुजरातले दिएको ९९ रनको लक्ष्य नेपालले १५.२ ओभरमै दुई विकेट गुमाएर पूरा गर्यो । नेपालको जितमा अनिल साह र रोहित पौडेलले तेस्रो विकेटका लागि अविजित ६५ रनको साझेदारी गर्दै टिमको जित निश्चित गर्नुभयो । साह ३२ बलमा नटआउट रहँदा पौडेलले ३३ रन बनाउनुभयो । त्यसअघि कुशल भुर्तेल १७ रनमा आउट हुँदा आसिफ शेख १६ रनमा पेभिलियन फर्किनुभएको थियो ।
त्यसअघि टस हारेर पहिले ब्याटिङ गरेको गुजरातले १८.२ ओभरमा अलआउट हुँदै ९८ रन बनाएको थियो । गुजरातका लागि रुद्र मयुर पटेलले २३ रन बनाउँदा हेमंग पटेलले २० रन बनाउनुभयो । त्यस्तै, स्मित पटेलले १० तथा अभिषेक देसाइले ११ रन बनाउनुभयो । थप दोहोरो स्कोरका रूपमा सरल प्रजापतीले १७ रन बनाउनुभयो ।
गुजरातलाई सस्तैमा समेट्ने क्रममा नेपालका लागि गुल्सन झाले चार विकेट लिँदा करण केसीले तीन तथा सोमपाल कामीले एक विकेट लिनुभयो ।
नेपालले फ्रेण्डसिप कपअन्तर्गत दोस्रो खेल मंगलबार बरोडा क्रिकेट एसोसिएसनसँग खेल्ने कार्यतालिका रहेको छ । त्रिकोणात्मक टी-२० सिरिजमा गुजरात, नेपाल र बरोडा सहभागी छन् । हरेक टोलीले एकअर्काविरुद्ध दुई-दुई खेल खेल्नेछन् । शीर्ष स्थानमा रहने दुई टोलीले उपाधिका लागि प्रतिस्पर्धा गर्नेछन् । फाइनल चैत २५ मा हुनेछ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच