स्पेन । स्पेनका पूर्व फुटबल प्रमुख लुइस रुबियालेसलाई रोयल स्पेनिस फुटबल महासंघ (आरएफइएफ) मा भ्रष्टाचार गरेको आरोपमा प्रहरीले पक्राउ गरेको छ । डोमिनिकी गणतन्त्रबाट म्याड्रिडको बराजास विमानस्थलमा उत्रेका ४६ वर्षीय रुबियालेसलाई विमानस्थलबाटै पक्राउ गरी केही समयपछि रिहा गरिएको गार्डिया सिभिल प्रहरीले जनाएको छ । अनुसन्धानमा संलग्न स्रोतका अनुसार उनलाई प्रहरीले विमानबाट ओर्लिएलगत्तै पक्राउ गरेको हो ।
भ्रष्टाचार र अन्य अपराधको अनुसन्धानका क्रममा अनुसन्धानकर्ताहरूले आरएफइएफको म्याड्रिड मुख्यालय र दक्षिणी शहर ग्रानाडास्थित रूबियालेसको घरसहित ११ स्थानमा छापा मारेको दुई हप्तापछि उनलाई पक्राउ गरिएको हो । न्यायिक स्रोतका अनुसार मार्च २० मा गरिएको छापा ‘व्यवसायमा भ्रष्टाचार, कपटपूर्ण प्रशासन र सम्पत्ति शुद्धीकरणसँग सम्बन्धित अनुमानित अपराधसँग सम्बन्धित अनुसन्धानको एक हिस्सा’ थियो ।
स्पेनी सञ्चारमाध्यमका अनुसार अनुसन्धानकर्ताहरूले सन् २०१८ देखि हस्ताक्षरित आरएफइएफ सम्झौताबारे अनुसन्धान गरिरहेका छन्, जसमा रुबियालेसले ‘स्पेनिस सुपर कप’लाई साउदी अरबमा लैजानका लागि हस्ताक्षर गरेको आरोप लागेको छ । बार्सिलोना र स्पेनका पूर्वडिफेन्डर जेरार्ड पिकेको स्वामित्वमा रहेको कम्पनी कोस्मोसको मध्यस्थतामा सुपर कपको सम्झौता वार्षिक ४० मिलियन युरो(४३.३ मिलियन डलर) मा भएको छ ।
‘क्याडेना सेर रेडियो’का अनुसार गार्डिया सिभिल प्रहरी डोमिनिकी गणतन्त्रमा गई सोमबार रुबियालेस बसेको परिसरमा खानतलासी गरेको थियो र अनुसन्धान अधिकारीको अनुमतिपछि एक ल्यापटप र एक मोबाइल फोन जफत गरेको थियो । एएफपीले सम्पर्क गर्दा गार्डिया सिभिलले उक्त रिपोर्टबारे टिप्पणी गर्न अस्वीकार गरेको छ ।
मार्च २० मा छापा मारेको एक दिनपछि आरएफइएफले यसका कानुनी निर्देशक पेड्रो गोन्जालेज सेगुरा, मानव संसाधन प्रमुख जोस जेभियर जिमेनेजलाई बर्खास्त गरेको छ र महासंघका बाहृय कानुनी सल्लाहकार टोमस गोन्जालेज क्युटोको कानुनी फर्म जीसी लिगलसँगको सम्झौता रद्द गरेको छ । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच