कैलाली । कैलालीको धनगढीमा तीन सयको संख्यामा सामुदायिक कुकुरहरुको बन्ध्याकरण गरिँदैछ । यसका लागि उपमहानगरपालिकाले काम सुरु गरिसकेको छ । उपमहानगरपालिका परिसरमा शुक्रवारदेखि चार दिनसम्म कुकुर बन्ध्याकरण शिविर सञ्चालन भएको छ । उपमहानगरपालिकाले यो वर्ष तीन सय सामुदायिक कुकुरको बन्ध्याकरण गर्न लागेको हो । नगर क्षेत्रमा छाडा छोडिएका कुकुरको उपमहानगरपालिकाले चार दिनसम्म बन्ध्याकरण गर्नेछ ।
नगरपालिका परिसरमा तीन सय सामुदायिक कुकुरको बन्ध्याकरण गरिने पशु सेवा शाखा प्रमुख डाक्टर समिरकुमार ठाकुरले बताउनु भयो । ‘यो वर्ष तीन सय सामुदायिक कुकुरको बन्ध्याकरण गरिनेछ । चैत २३ देखि २६ गतेसम्म बन्ध्याकरण गरिनेछ’, डाक्टर ठाकुरले भन्नुभयो । करिब ७ लाख बजेटमा यो वर्ष तीन सय सामुदायिक कुकुरको बन्ध्याकरण गरिने भएको हो ।
गत वर्ष भने १५० कुकुरको बन्ध्याकरण गरिएको थियो । उपमहानगरपालिकाले हरेक वर्ष सामुदायिक कुकुरको बन्ध्याकरण गर्दै आएको छ । गत वर्ष १५० सामुदायिक कुकुरको बन्ध्याकरण गरिएकोमा यो वर्ष दोब्बर संख्यामा कुकुरको बन्ध्याकरण गरिने डाक्टर ठाकुरले बताउनुभयो ।
शुक्रवारदेखि चार दिनसम्म चल्ने कुकुर बन्ध्यालरण शिविरमा समुदायमा छोडिएका कुकुरहरूको मात्र बन्ध्याकरण गरिनेछ । सामुदायिक कुकुरहरूको संख्या नियन्त्रण गर्न र कुकुरबाट हुने समस्या रोक्न हरेक वर्ष बध्याकरण शिविर आयोजना गरिँदै आएको छ । हरेक वर्ष सामुदायिक कुकुरको बन्ध्याकरण गर्न बजेट बढाउँदै लग्ने र समुदायमा रहेका छाडा कुकुरहरूको संख्या नियन्त्रण गर्ने उपमहानगरपालिकाको उद्देश्य रहेको पशु सेवा शाखा प्रमुख प्रमुख ठाकुरले बताउनु भयो ।
‘हामीले सामुदायिक कुकुरको मात्रै बन्ध्याकरण गर्नेछौँ। सामुदायिक कुकुर समात्न नगरपालिकाको कर्मचारीलाई सहयोग गर्न नगरवासीलाई आग्रह समेत गर्दछु’, उहाँले भन्नुभयो, ‘सामुदायिक कुकुरको संख्या नियन्त्रण गर्न उपमहानगरपालिकाले हरेक वर्ष बन्ध्याकरण कार्यक्रम राख्नेछ।’ सामुदायिक कुकुरका कारण रेविज लगायतका रोग मानिसमा सर्ने तथा अन्य समस्या समेत बढ्ने भएकाले छाडा कुकुरको संख्या बढ्न नदिन बन्ध्याकरण गर्न लागिएको हो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच