पुरुषोत्तम घिमिरे/हिटा
काठमाडौ । अभिनव साहित्य समाजको २६६औं मासिक शुंखृला सम्पन्न भएको छ । कार्यक्रममा मुसुरी अभिनव बौद्ध दर्शन तथा साहित्य पुरस्कार गोकर्णेश्वर निवासी आंघडेण्डी शेर्पालाई १५ हजार नगदसहित दोसल्ला अढाएर सम्मान गगरिएको थियो । महिला सहित्यिक जागरणअन्तर्गत चार चरणमा भएको सो कार्यक्रममा विजयीहरूलाई पुरस्कार तथा सम्मानपत्र अर्पण गरिएको थियो ।
गोकर्णेश्वर नगरपालिकाकी उपमेयर सान्ननी लामाको प्रमुख आतिथ्यतमा भएको कार्यक्रममा अभिनव साहित्य समाजका उपाध्यक्ष विमल अर्यालले सभापतित्व रहेको थियो । कार्यक्रममा विशेष अतिथिमा वडा नम्बर ६ का वडाध्यक्ष नवराज लामा हुनुहुन्थ्यो । कार्यक्रममा प्रमुख अतिथि उपमेयर लामाले महिलाहरूमा सकारात्मक प्रभाव पारिरहेको यस्ता कार्यक्रमले निरन्तरता पाउनुपर्नेमा जोड दिनुभएको थियो । समाजका अध्यक्ष गोविन्द घिमिरे वेदमणिले धन्यवाद ज्ञापन र सम्मानित तथा पुरस्कृत ब्यक्तित्वको कृतिबारे प्रकाश पार्नुभएको थियो ।
कार्यक्रममा मनास्लु वल्ड कलेजकी मनिसा सुनुुवार प्रथम हुनुभएको थियो । त्यसैगरी महेन्द्र बौद्ध माविका छात्रा दीपशिखा राई दोस्रो हुनुभएको थियो भने तृतीय ग्लोबल पब्लिक स्कुलकी छात्रा श्रेया खत्री र सान्त्वना पुरस्कार अरुणिमा शिक्षा सदनकी पूर्णकुमारी सुनुवारले पाउनुभएको थियो ।
यस्तै, दोस्र्रो चरणमा २६ जनाले लेखनमा भाग लिएका थिए । महेन्द्र बौद्ध मावि निर्मला घिमिरे सापकोटा, बौद्ध इंग्लिश स्कुलकी लक्ष्मी बस्नेत, संग्रीला पब्लिक स्कुलकी, अमृता खरेल, एलिट ग्राण्ड स्कुलकी खालिङ राई क्रमशः प्रथम दुतीय तृतीय र सान्त्वना पुरस्कार पाउनुभएको थियो । तेस्रो चरणमा नगरपालिका अन्तर्गतका कर्मचारीको प्रतियोगिता भएको थियो । उपस्थित महिला कर्मचारीमध्ये चन्द्रप्रभा उपाध्याय, जानकी अर्याल, कमला नेपाली, मीनाकुमारी गुरुङ र प्रजु थापा क्रमशः प्रथम, द्वतीय र तृतीय र शान्त्वनामा विजयी हुनुभएको थियो ।
चौथो चरणमा ४४ जनाले लेखनमा भाग लिएकोमा सर्वानन्दा सरस्वती, मीना तामाङ, इन्दु सञ्जेल, लक्ष्मी थापामगर, दुर्गा भवानी भट्ट क्रमशः प्रथम, द्वतीय, तृतीय र सान्त्वना पुरस्कार पाउनुभएको थियो । पुरस्कृत व्यक्तित्वलाई नगद १० हजार, आठ हजार, ६ हजार र सान्त्वना पाउनेलाई पाँच हजार नगर दिएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच