मण्डिखाटार फस्ट एमेच्योर टेनिस

हिमालय टाइम्स

२७ चैत्र २०८०, मङ्गलबार ०४:०६

Read Time = 2 mins

सिफारिस

वीरगञ्जस्थित नेशनल मेडिकल कलेजमा म्याद गुज्रिएको केमिकल भेट्टियो

प्रिन्ट संस्करण

खेलकुद

खेलकुद बिविध

A A- A+

काठमाडौं । मण्डिखाटार फस्ट एमेच्योर टेनिस प्रतियोगितामा ४५ वर्षको सिंगल्सतर्फको उपाधि महेश श्रेष्ठले जित्नुभएको छ । मण्डिखाटार टेनिस कोर्टमा आइतबार भएको फाइनलमा महेशले सूर्य गिरीलाई ६-१ र ६-३ को स्कोरमा पराजित गर्दै उपाधि जित्नुभएको हो । यस्तै, ५५ वर्षको सिंगल्समा मनोज शाहले प्रदीप शाहलाई कडा प्रतिस्पर्धामा पराजित गर्दै उपाधि पक्का गर्नुभयो । उहाँले ५-७, ६-२ र १०-६ को स्कोरमा पाखा लगाउँदै उपाधि पक्का गर्नुभएको थियो ।

६५ वर्षको सिंगल्समा कमल थापाले बाजी मार्नुभयोे । थापाले मनोज शमशेर जबरालाई ६-१ र ७-६ को स्कोरमा पराजित गर्दै उपाधि जित्नुभएको हो । यस्तै, ३५ वर्षको सिंगल्समा भिष्मजंग गुरुङले उपाधि जित्नुभएको छ । उहाँले सिमान्त गुरुङलाई ६-१ र ६-० को सेटमा पराजित गर्दै उपाधि जित्नुभएको हो ।

त्यसैगरी ६५ वर्षको डबल्समा ध्रुव घले र प्रकाश बोगटीको जोडीले उपाधि जितेको छ । घले र बोगटीको जोडीले मनोज शमशेर जबरा र विकास राणाको जोडीलाई ६-२, २-६ र १०-६ को स्कोरमा पराजित गर्दै उपाधि जितेको हो ।

५५ वर्षको डबल्समा हिमाल शाह र शिव सेढाईंले उपाधि जित्नुभएको छ । फाइनलमा हिमाल र शिवको जोडीले जीवन घिमिरे र सुदर्शन विष्टको जोडीलाई २-६, ६-३ र १०-८ को स्कोरमा पराजित गर्दै उपाधि जितेको हो ।

३५ वर्षअन्तर्गतको डबल्सको फाइनल भने शनिबार नै भएको थियो । उक्त फाइनलमा सिमान्त गुरुङ र भीष्मजंग गुरुङले जित्नुभएको थियो । देशभरबाट १२७ प्रतिस्पर्धी सहभागी प्रतियोगिताका विजेताहरूलाई आइतबार पुरस्कार वितरण गरिएको थियो ।

एमेच्योर

टेनिस

यो खबर पढेर तपाईलाई कस्तो महसुस भयो ?