काठमाडौं । ‘नेपाली गीत, संगीतकर्मीहरूको सम्मान, संरक्षण गर्ने हाम्रो अभियान’ भन्ने नाराकासाथ नेप्को इन्टरटेन्मेन्ट प्रालिले पहिलो पटक नेप्को म्युजिक अवार्ड सम्पन्न गरेको छ । गणतन्त्र नेपालका प्रथम उपराष्ट्रपति परमानन्द झाको प्रमुख आतिथ्यतामा शनिबार एक समारोहबीच उक्त कार्यक्रम सम्पन्न भएको हो ।
समारोहमा ‘चन्द्र सूर्य’ गीतबाट गायक हरिगोपाल प्रधानले सर्वोत्कृष्ट राष्ट्रिय भावनाको गीतको अवार्ड हात पार्नुभयो भने सर्वोत्कृष्ट म्युजिक प्रोड्युसरको अवार्ड सूर्य क्रियशन प्रा.लि.का सूर्यबहादुर मगरले प्राप्त गर्नुभयो । अन्य विभिन्न विधामा विभिन्न कला क्षेत्रमा योगदान पुर्याउनु भएका व्यक्तित्वले अवार्ड प्राप्त गर्नु भएको थियो ।
नेपालको मौलिक कला संस्कृतलाई बचाइराख्न नेप्को अर्वाडले ठूलो भूमिका राख्नेका संघका अध्यक्ष मगर आशावादी रहनु भएको छ । कम्पनी र संस्थाले अवार्डका कार्यक्रमहरू गर्न गाह्रो र खर्चिलो हुने भएकाले नेपाली मौलिक कला संस्कृतिको संरक्षण तथा प्रवद्र्धन गर्न सहयोग पुग्ने यस्ता अवार्डका कार्यक्रम राज्यले गर्नुपर्ने भन्दै ध्यान आकर्षण गर्नुभयो ।
नेप्को इन्टरटेन्मेन्ट म्युजिक अवार्ड-२०८० को फाइनल अवार्ड कार्यक्रममा गायिका शर्मिला गुरुङलाई राष्ट्रिय गायिका सम्मान, ख्यामनारायण पौडेललाई राष्ट्रिय व्यवसायी सम्मान, कमला श्रेष्ठलाई राष्ट्रिय नारी उद्यमी सम्मान, प्रवीणकला राईलाई राष्ट्रिय नारी उद्यमी सम्मान, होम गैरेलाई राष्ट्रिय नेप्को इन्टरटेन्मेन्ट म्युजिक अवार्ड दर्शक गायक सम्मान, देवी हमाललाई राष्ट्रिय नारी उद्यमी सम्मानलेृ सम्मान गरिएको थियो ।
डा.भोला रिजाललाई राष्ट्रिय श्रष्टा सम्मान, दिनेश मोक्तानलाई राष्ट्रिय व्यवसायी सम्मान, ईशा लोहागुन कौशललाई ध्वनि सम्मान, रोशनी रसाइलीलाई धन्यवाद सम्मान, सञ्जीव बर्मासाखालाई आईटी सम्मान, पत्रकार उमेश विकलाई पत्रकारिता सम्मान, राज कार्कीलाई राष्ट्रिय व्यवसायी सम्मान, पूर्णबहादुर खत्रीलाई राष्ट्रिय समाजसेवी सम्मान, प्रेमकुमार भारती, दिनेश मुस्कान, उत्साह घिमिरे, लक्ष्मनराज आचार्यलाई राष्ट्रिय श्रष्टा सम्मान गर्नुकासाथै खड्गवीर रावत, मुकेशकुमार चौधरी, तुलबहादुर थापा, आशिक लामा र केशवराज पाण्डेलाई राष्ट्रिय व्यावसायिक सम्मान तथा नेपाल एयर लायन्सलाई धन्यवाद पत्रसहितको सम्मान प्रदान गरिएको थियो ।
अर्वाड वितरण कार्यक्रममा नेपाल संगीत उद्योग संघका अध्यक्ष सूर्यबहादुर मगर, संगीत तथा चलचित्र उत्पादक समाज नेपालका उपाध्यक्ष होम गैरे, संगीतकार संघ नेपालका महासचिव वसन्त सापकोटा, नेपा उद्योग वाणिज्य संघका उपाध्यक्ष हेमराज ढकाल, कमला श्रेष्ठ, शिव घिमिरे, अरनिकाराज भण्डारी, कलाकार, पत्रकार, समाजसेवी तथा संघसंस्थाका प्रतिनिधिलगायतको बाक्लो उपस्थिति थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच