हुम्ला । हुम्लाको उत्तरी नाम्खा गाउँपालिका –६ लिमीका बालबालिकाकाले ११ महिना पछि नियमित खोप लगाउन पाएका छन् । जन्मेदेखि १५ महिनासम्म लगाइनुपर्ने नियमित खोप ४ जना बालबालिकाले ११ महिनापछि उक्त खोप लगाउन पाएका हुन् । २१ दिनपछि दादुरा–रुबेला विरुद्धको खोप बुधबार लगाइएको छ ।
लिमी जानका लागि हिमपातले बाटो अवरुद्ध भएपछि तील, जाङ र हल्जी गाउँका चार जना बालबालिकाले जेष्ठ महिनायता बुधबार नियमित खोप लगाउन पाएको लिमी स्वास्थ्यचौकीका इन्चार्ज गोरखबहादुर भण्डारीले बताउनुभयो ।
लिमी जिल्लाको उच्च क्षेत्रमा पर्ने भएकाले हिमपातले बाटो बन्द हुँदा समयमै खोप ढुवानी हुन नसकेर नियमीत खोप लाउन नपाएको स्वास्थ्यचौकीका इन्चार्ज भण्डारीले बताउनुभयो । लिमी पुग्ने बाटो सामान्य खुलेपछि गाउँपालिका एक जना कार्यालय सहयोगीले बोकेर मंगलबार पुर्याएपछि आज बुधबार बालबालिकालाई खोप लगाएको उहाँले बताउनुभयो । हिउँद याममा लिमी जाने बाटो नारा र न्यालु लेखको बाटो बन्द हुँदा आवतजावत गर्न नसकिने भएर नियमीत खोप लगाउन नपाएका बालबालिकाले आज खोप पाएका हुन् ।
यस्तै फागुन २५ गतेदेखि चैत ७ गतेसम्म देशभर सञ्चालन भएको ९ महिनादेखि माथिका र ५ वर्षदेखि मुनिका बालबालिकालाई दादुरा–रुबेला विरुद्धको खोप समेत आज बुधबार लगाइएको लिमी स्वास्थ्यचौकीका इन्चार्ज भण्डारीले बताउनुभयो । मङ्सिर महिना यतादेखि चैत तेस्रो सातासम्म हिउँद यामको हिमपातले बाटो नखुल्दा दादुरा–रुवेला विरुद्धको खोप यो अभियानको समयमै लगाउन नपाएका हुन् ।
वडा–६ लिमीका तील, जाङ र हल्जी गाउँका १३ जना बालबालिकाले देशभर सञ्चालन भएको दादुरा–रुवेला खोप लगाउने अभियान सम्पन्न भएको २१ दिनपछि उक्त खोप पाएका हुन् । चैत ७ गते दादुरा–रुवेला खोप लगाउने अभियान सम्पन्न भएको थियो ।
देशभर सञ्चालन भइरहेको दादुरा–रुवेला विरुद्धको खोप लगाउने अभियानको समयमा लिमी पुग्ने मुख्य बाटो नारा र न्यालुमा हिउँ जमेर बाटो बन्द भएको थियो । नियमीत र दादुरा–रुवेला विरुद्धको खोप कार्यालय सहयोगीले पुर्याएसँगै ती बालबालिकालाई खोप लगाइएको हो ।
लिमी स्वास्थ्यचौकीमा यो वर्ष दुईजना स्वास्थ्यकर्मी खटिएर सेवा दिएको गाउँपालिकाले जनाएको छ । इन्चार्ज भण्डारीसहित अर्का स्वास्थ्यकर्मी लोक बोहराले हिउँद याममा खटिएर यहाँ सेवा दिएको जनाइएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच