काठमाडौं । मुस्लिम धर्मावलम्बीको महान् चाड इद उल फित्र विभिन्न कार्यक्रम गरी मनाइँदै छ । यस अवसरमा नेपाल सरकारले आज (बिहीबार) सार्वजनिक बिदा दिएको छ । गृह मन्त्रालयले मुस्लिमहरूको महान् पर्व इदको अवसरमा देशैभरी सार्वजनिक बिदा दिने निर्णय गरेको हो । इद उल फित्रको अवसरमा सार्वजनिक बिदा दिने निर्णय यसअघि नै नेपाल राजपत्रमा प्रकाशित थियो । तर, इद मनाइने दिन निश्चित नभएकाले इदको घोषणा भएको दिन बिदा दिने भनिएको थियो ।
इस्लाम धर्मावलम्बीहरूले रमजान महिनाको ३० दिनको ‘रोजा’ व्रत आज पूरा गर्दै ‘इदउलफित्र’ मनाउँदै छन् । केही मुस्लिमले ‘इदउलफित्र’को नमाज मस्जिदमा त केहीले ‘इदगाह’मा सामूहिक भेला भई दुई रिकात नमाज पढेर सम्पन्न गर्छन् ।
नमाज पूरा गरेपछि एक-अर्कालाई अंकमाल गरेर बधाई साटासाट गर्छन् भने घरमा विभिन्न परिकार पकाएर खाने गर्दछन् । रमजान महिना उर्दू पात्रोको अनुसार नवौँ महिना हो । यो पर्वको ७०औँ दिनमा बकरिद अर्थात् ‘इदउलअजहा’ पर्व मनाउने गर्दछन् । यस अवसरमा मुस्लिमहरू ‘हज’ का लागि साउदी अरबको मक्का मदिना जाने पनि गर्दछन् ।
यस अवसरमा राष्ट्रपति रामचन्द्र पौडेल, उपराष्ट्रपति रामसहाय प्रसाद यादव, प्रधानमन्त्री पुष्पकमल दाहाल ‘प्रचण्ड’, नेपाली कांग्रेसका सभापति शेरबहादुर देउवा, नेकपा एमालेका अध्यक्ष केपी शर्मा ओलीलगायत विभिन्न दलका नेता तथा प्रमुखहरूले शुभकामना मन्तव्य व्यक्त गरेका छन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच