भोजपुर । ४९ लाख बढीको लागतमा भोजपुरको प्रतिष्ठित सातौँ अन्तर्राष्ट्रिय आमन्त्रित मेयर गोल्डकप प्रतियोगिता सञ्चालन हुने भएको छ । प्रतियोगिताका बारेमा जानकारी दिनुहुँदै आयोजक भोजपुर जिल्ला फुटबल संघका अध्यक्ष प्रवीण सुवालले आगामी वैशाख ९ गतेबाट १५ सम्म सञ्चालन हुने प्रतियोगिताको कुल लागत खर्च ४९ लाख २५ हजार पाँच सय हुने बताउनुभयो ।
जिल्ला फुटबल संघको आयोजना तथा भोजपुर नगरपालिकाको मुख्य प्रायोजनमा प्रत्येक वर्ष जिल्ला सदरमुकाममा सञ्चालन हुँदै आएको प्रतियोगितामा यस वर्ष भने भारतको एकसहित नेपालका दुई ‘ए’ डिभिजन क्लबले पनि भाग लिनेछन् ।
भोजपुर नगरपालिका-७, कोदारमा रहेको रंगशालामा सञ्चालन हुने प्रतियोगितामा आठ टिमले सहभागिता जनाउनेछन् । जसमा जर्जियन फुटबल क्लब भारत, त्रिभुवन आर्मी क्लब काठमाडौं, चर्च व्बाइज युनाइटेड काठमाडौं, राजारानी फुटबल क्लब धनकुटा, डाँगीहाट युथ क्लब मोरङ, सलहेश युवा क्लब सिरहा, खोटाङ भगवती स्पोर्ट्स क्लब र आयोजक भोजपुर जिल्ला फुटबल संघ रहेका छन् ।
प्रतियोगिता सञ्चालनका लागि भोजपुर नगरपालिकाले ३० लाख आर्थिक सहयोग गरेको छ भने अन्य रकम संकलन गरिने आयोजक संस्थाका अध्यक्ष सुवालले जानकारी दिनुभयो । अहिलेसम्म करिब नौ लाख रकम संकलन भइसकेको छ भने अन्य रकम पनि संकलन गरिनेछ । प्रतियोगिता सञ्चालनमा सहयोग गर्न सबै पक्षलाई आयोजक संस्थाले आग्रहसमेत गरेको छ ।
भोजपुर नगरपालिकाको मुख्य प्रायोजनमा सञ्चालन हुन लागेको प्रतियोगिताको सहप्रायोजकमा राष्ट्रिय वाणिज्य बैंक लिमिटेड रहेको छ भने प्रायोजकहरूमा साल्ट ट्रेडिङ कर्पोरेसन, शिवम फुटवेयर्स प्रालि, सांग्रिला चप्पल, यु डी विल्डर्स भोजपुर र तेज कन्स्ट्रक्सन काभ्रे रहेको आयोजक भोजपुर जिल्ला फुटबल संघले जनाएको छ ।
प्रतियोगिताका विजेता तथा उपविजेताले उपाधिसहित क्रमशः नगद पाँच लाख र तीन लाख पाउनेछन् । अन्य व्यक्तिगत विधातर्फ पनि सर्वोत्कृष्ट खेलाडी, सर्वाधिक गोलकर्ता, उत्कृष्ट गोल रक्षकलाई पुरस्कारको व्यवस्था गरिएकोे छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच