काठमाडौं । आर्थिक लेखक, विश्लेषक तथा पत्रकार रिसव गौतम सम्मानित हुनुभएको छ । नेपाल पत्रकार महासंघ काठमाडौं शाखाको १२औं अधिवेशनका अवसरमा गौतमलाई ‘युवा पत्रकार’ सम्मान प्रदान गरिएको हो । नेपाल सरकारका सूचना तथा सञ्चारमन्त्रीको उपस्थितिमा पत्रकार महासंघ केन्द्रीय अध्यक्ष विपुल पोखरेल, काठमाडौं शाखा अध्यक्ष सूर्य सुवेदीलगायतले गौतमलाई सम्मान गर्नुभएको थियो ।
‘नेपाली पत्रकारिता क्षेत्रमार्फत अनवरत योगदान गर्दै आएको’ भन्दै महासंघ काठमाडौं शाखाले गौतमलाई उक्त सम्मान गरेको हो । लामो समयदेखि आर्थिक मुद्दामा कलम चलाउँदै आउनुभएका गौतम बिजनेस पाटी डटकमका सम्पादक हुनुहुन्छ । उहाँका विभिन्न राष्ट्रिय दैनिक तथा अनलाइनहरूमा आर्थिक विषयवस्तुहरूमा विश्लेषणात्मक लेख रचनाहरू प्रकाशित हुँदै आएका छन् ।
व्यवस्थापनमा स्नातकोत्तर गर्नुभएका गौतमका ‘नेपाली अर्थतन्त्रको सम्भावना’, ‘व्यवस्थापनका सिद्धान्तहरू’ र ‘बैंक वित्त क्षेत्र र अर्थतन्त्र’ नामक तीनवटा पुस्तक प्रकाशित छन् । गौतमले यसअघि पूर्वराष्ट्रपति विद्यादेवी भण्डारीको हातबाट प्रेस काउन्सिलद्वारा प्रदान गरिएको ‘सशक्त लेखन पत्रकारिता’ पुरस्कार प्राप्त गर्नुभएको थियो । गौतम हिमालय टाइम्स राष्ट्रिय दैनिकका लेखक पनि हुनुहुन्छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच