काठमाडौं । चलचित्र ‘ह्रस्व दीर्घ’मा मुख्य भूमिकामा अभिनय गर्नुभएका अभिनेता तथा ज्योतिष हरिहर अधिकारीको क्यारेक्टर लुक्स सार्वजनिक गरिएको छ । बुधबार उहाँको जन्मदिनको अवसर पारेर सार्वजनिक पोष्टरमा दुई फरक लुक्समा उहाँलाई चित्रित गरिएको छ । एउटामा उहाँ निधारमा चन्दन लगाएर प्रस्तुत हुनुहुन्छ भने अर्कोमा लामो कपालसहित ‘इन्टेन्स लुक’मा देखिनुभएको छ ।
दशैँको अवसर पारेर आगामी असोज ११ गतेबाट प्रदर्शनमा आउने तयारीमा रहेको यो चलचित्रमा हरिहरका साथै नीता ढुंगाना, विपना थापा, सञ्चिता लुइँटेल, प्रशान्त ताम्राकार, किरण केसी, बुद्धि तामाङ, गरिमा शर्मा लगायतका कलाकारको अभिनय छ । चन्द्र पन्तको निर्देशनमा बनेको यो चलचित्रमा साउथ चलचित्रका कलाकारहरू ब्रह्मानन्दम, अली, ‘गजनी’ भिलेन प्रदीप रावत र कवीर दुहान सिंहको पनि अभिनय छ । चलचित्रको कथा हरिहर आफँैले लेख्नुभएको हो ।
भारत र नेपालमा गरी चलचित्रको दुई चरणमा छायांकन भइसकेको छ । अब अन्तिम चरणको छायांकन भारतमा गर्ने तयारीमा निर्माण टिम छ । चलचित्रलाई भारतका छायांकार कवीर लालले छायांकन गर्नुभएको हो । उहाँले ‘दिल आपके पास है’, ‘वेलकम ब्याक’, ‘परदेश’ जस्ता बलिउड फिल्म छायांकन गरिसक्नु भएको छ । नीताको प्रोडक्सन कम्पनी नीता फिल्म्सले चलचित्रको निर्माण गरेको हो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच