हेटौँडा । हेटौँडा-५ स्थित पिप्लेक्याम्पा रंगशालामा भएको मेयर कप फुटबल प्रतियोगिता-२०८० को उपाधि हेटौँडा उपमहानगरपालिका ४ ले जितेको छ । हेटौँडा-१४ लाई सडनडेथमा हराउँदै हेटौँडा-४ ले चौथो संस्करणको उपाधि चुमेको हो ।
सडनडेथमा ६-५ गोल अन्तरले विजयी हुँदै उपाधिसहित विजेता टोलीले नगद दुई लाख र उपविजेताले नगद एक लाख ५० हजार रुपैयाँ प्राप्त गरेका छन् । प्रतियोगिताका विजेता तथा उपविजेता, सर्वोत्कृष्ट खेलाडी तथा प्रशिक्षकलाई हेटौँडा उपमहानगरपालिकाका मेयर मिनाकुमारी लामा, उपमेयर राजेश बानियाँ तथा आयोजक हेटौँडा नगर खेलकुद विकास समिति अध्यक्ष रविन्द्र घिमिरेले पुरस्कार वितरण गर्नुभएको थियो ।
प्रतियोगितामा हेटौँडा-४ का खेलाडी अनिष महर्जन सर्वोत्कृष्ट खेलाडी घोषित हुनुभयो । उहाँले नगद १० हजार रुपैयाँ प्राप्त गर्नुभयो । हेटौँडा-४ का गोलरक्षक निरज देउला, मिडफिल्ड दीपेश भण्डारी, प्रशिक्षक शंकर खड्गी, हेटौँडा-१४ का फरवार्ड अनुप राना मगर र डिफेण्डर सुविन धमला, हेटौँडा-१५ का विश्वास भोलन सर्वाधिक गोलकर्ता घोषित हुनुभयो । उत्कृष्ट सबैले जनही पाँच-पाँच हजार रुपैयाँ प्राप्त गर्नुभयो । प्रतियोगितामा हेटौँडा १५ नम्बर वडा तेस्रो र १३ नम्बर वडा चौथो स्थानमा रहृयो । दुवै टोलीले क्रमशः ५० र २५ हजार रुपैयाँ प्राप्त गरेका थिए ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच