![रास्वपा सरकारमा गएपछि महत्वपूर्ण कदम चालिरहेको छ : गृहमन्त्री लामिछाने](https://ehimalayatimes.com/wp-content/uploads/2023/10/Rabi-lamichhane.jpg)
काठमाडौं । प्रथम बुढानीकलण्ठ नगर शिल्ड खेलकुद महोत्सवको आयोजक बुढानीलकण्ठ नगरपालिका र बुढानीकलण्ठ खेलकुद विकास बोर्डले धाविका सन्तोषी श्रेष्ठलाई ब्राण्ड एम्बासडर बनाएको छ । आयोजक बोर्डका संयोजक सुमन तामाङले सन्तोषीलाई खेलकुद महोत्सवको ब्राण्ड एम्बासडरमा चयन गरिएको शुक्रबार आयोजित पत्रकार सम्मेलनमा जानकारी गराउनुभयो ।
बुढानीलकण्ठ नगरपालिका-६ मा बस्ने सन्तोषी नेपालमा भएको १३औं दक्षिण एसियाली खेलकुद (साग) अन्तर्गत १० हजार मिटर दौड तथा बंगलादेशमा भएको बंगबन्धु ढाका म्याराथनकी स्वर्ण विजेता हुनुहुन्छ ।
संयोजक तामाङले राष्ट्रको प्रतिष्ठा अभिवृद्धि गर्ने खेलाडी श्रेष्ठलाई खेलकुद महोत्सवको ब्राण्ड एम्बासडरको घोषणा गर्न पाउँदा गर्वको अनुभूति भएको बताउँदै महोत्सवलाई सफल बनाउन हरेक नगरवासीको सहयोग प्राप्त हुने विश्वास व्यक्त गर्नुभयो । उहाँले बुढानीलकण्ठलाई खेलकुदको हब बनाउन क्यालेन्डर तयार गरी अगाडि बढ्ने प्रतिबद्धता जनाउनुभयो ।
संयोजक तामाङले सहभागी खेलाडीको सुरक्षालाई ध्यानमा राखी सात दिनका लागि पाँच लाख रुपैयाँबराबरको बिमा गरिने बताउँदै स्थानीय र बसाइँसराइ गरेका खेलाडीले प्रतियोगितामा सहभागिताको अवसर पाउने बताउनुभयो । सन्तोषीले ब्राण्ड एम्बासडर बनाएकोमा आयोजकप्रति आभार व्यक्त गर्दै खेलकुद महोत्सव खेलाडीका लागि आफ्नो कौशल देखाउने राम्रो ‘प्लेटफर्म’ भएकाले खेलाडीलाई प्रोत्साहन गर्न सम्पूर्ण नगरवासीलाई आग्रह गर्नुभयो ।
पत्रकार सम्मेलनमा बुढानीलकण्ठ नगरपालिकाका मेयर मीठाराम अधिकारीले खेलकुद महोत्सवको टिसर्ट सार्वजनिक गर्नुभएको थियो । त्यसै अवसरमा खेलकुद महोत्सवको लोगो र प्रोमो पनि सार्वजनिक गरिएको थियो । मेयर अधिकारीले खेलकुदलाई प्राथमिकतामा राखेर नगरपालिकाले प्रशासन र शिक्षापछि खेलकुदमा बजेट विनियोजन गरेको बताउँदै खेलकुदको माध्यमबाट नगरपालिकालाई समृद्ध बनाउने अभियानमा सबै जुट्नुपर्नेमा जोड दिनुभयो ।
वैशाख १५ गतेदेखि सुरु हुने महोत्सवमा विभिन्न आठ खेल समावेश गरिएको छ । कराते, तेक्वान्दो, मुवाँथाईं, कुङ फु, बास्केटबल, फुटबल, ब्याडमिन्टन र रोड रेसमा प्रतिस्पर्धा हुनेछ । रेस्लिङ र केही परम्परागत खेलको प्रदर्शनी खेल हुनेछ । खेलकुद महोत्सव वैशाख १९ गतेसम्म चल्नेछ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच