काठमाडौं । पछिल्लो समय बैंकहरूको खराब कर्जादर बढ्दै गएको छ भने नाफादरसमेत घट्दै गएको छ । सञ्चालनमा रहेका २० वाणिज्य बैंकहरूले प्रकाशित गरेको चालु आर्थिक वर्ष २०८०/०८१ को माघदेखि चैतसम्मको त्रैमास वित्तीय विवरणअनुसार नाफा ११.५ प्रतिशतले घटेर ४१ अर्ब ५५ करोड रुपैयाँमा सीमित भएको छ । गत आर्थिक वर्षको सोही अवधिमा बैंकहरूको नाफा ४६ अर्ब ९३ करोड रुपैयाँ थियो ।
त्रैमाससम्म आइपुग्दा वाणिज्य बैंकको खराब कर्जा २.८५ प्रतिशतबाट बढेर ३.४८ प्रतिशत पुगेको छ । दोस्रो त्रैमासमा खराब कर्जा कुल कर्जाको ३.६३ प्रतिशत थियो । गत वर्षको सोही अवधिमा बैंकहरूको यस्तो औसत खराब कर्जा २.६ प्रतिशतमात्रै थियो ।
वाणिज्य बैंकहरूको त्रैमासिक वित्तीय विवरणअनुसार नाफा ११.५ प्रतिशतले घटेर ४१ अर्ब ५५ करोड रुपैयाँमा सीमित भएको छ । गत वर्षको सोही अवधिमा नाफा ४६ अर्ब ९३ करोड थियो ।
आर्थिक मन्दी र कोरोनालगायतका कारण वाणिज्य बैंकहरूको नाफा घट्नुका साथै खराब कर्जासमेत बढेर गएको हो । तरलता बढे पनि नयाँ कर्जा माग छैन भने प्रवाहित कर्जा असुली पनि हुन सकेको छैन, जसका कारण बैंक दोहोरो मारमा परेका छन् ।
कृषि विकास बैंकको खुद नाफा सबैभन्दा धेरै ९७.२२ प्रतिशतले बढ्दा दोस्रो धेरै लक्ष्मी सनराइज बैंकको नाफा २७.७० प्रतिशतले बढेको छ । त्यस्तै, प्राइम कमर्सियल १६.६६, सिद्धार्थ बैंक १३.०२, हिमालयन बैंक १२.०४, नेपाल इन्भेष्टमेन्ट मेगा बैंक ७.५२ र एरभेष्ट बैंकको खुद नाफा ५.७७ प्रतिशतले बढेको छ । सबैभन्दा धेरै नेपाल बैंकको ९२.६८ प्रतिशतले खुद नाफा घटेको छ भने एनआइसी एसिया बैंक ५२.३१, माछापुच्छे« बैंक ३६.७३, नेपाल एसबिआई बैंक ३५.४४, राष्ट्रिय वाणिज्य बैंक ३३.६०, ग्लोबल आइएमई बैंक २४.१३, कुमारी बैंक १९.१२, एनएमबी बैंक १६.४४, सानिमा बैंक १५.९०, नबिल बैंक ८.७६, प्रभु बैंक ७.२७, स्ट्याण्डर्ड चार्टर्ड बैंक ६.२४ प्रतिशत र सिटिजन बैंक इन्टरनेसनलको सबैभन्दा कम १.९९ प्रतिशतले खुद नाफा घटेको छ । २० वाणिज्य बैंकमध्ये नौवटाले दुर्ई अर्बभन्दा धेरै खुद नाफा आर्जन गरेका छन् भने दुईवटाको नाफा एक अर्बभन्दा कम रहेको छ । बाँकी नौवटाको नाफा एक अर्बभन्दा धेरै र दुर्ई अर्बभन्दा कम छ ।
नबिल चार अर्ब ६६ करोड ८० लाख, ग्लोबल आइएमई तीन अर्ब ३० करोड ६५ लाख, नेपाल इन्भेष्टमेन्ट मेगा तीन अर्ब २७ करोड ५२ लाख, प्राइम कमर्सियल दुई अर्ब ८७ करोड ८७ लाख, एभरेष्ट दुई अर्ब ६० करोड ८४ लाख, स्ट्याण्डर्ड चार्टर्ड दुई अर्ब ४४ करोड ७१ लाख र राष्ट्रिय वाणिज्य बैंकको नाफा दुई अर्ब ३७ करोड ४८ लाख रुपैयाँ रहेको छ ।
त्यस्तै, एनएमबी दुई अर्ब २४ करोड १५ लाख, कृषि विकास बैंक दुई अर्ब पाँच करोड ३१ लाख, हिमालयन एक अर्ब ९४ करोड ८१ लाख, एनआइसी एसिया एक अर्ब ९१ करोड ४८ लाख, प्रभु एक अर्ब ८१ करोड २४ लाख, सिद्धार्थ एक अर्ब ६८ करोड ४० लाख, धनलक्ष्मी सनराइज एक अर्ब ६१ करोड ५९ लाख, सानिमा एक अर्ब ४३ करोड ९४ लाख, सिटिजन्स एक अर्ब २१ करोड १४ लाख, नेपाल एसबिआई एक अर्ब १६ करोड ४१ लाख, कुमारी एक अर्ब पाँच करोड २७ लाख, माछापुच्छ«े ८५ करोड ५४ लाख र नेपाल बैंकको नाफा १३ करोड पाँच लाख रुपैयाँ रहेको छ । बैंकहरूको प्रतिसेयर आम्दानी औसतमा १५.४२ प्रतिशतमा झरेको छ । यसअघि यस्तो अनुपात १९.६७ प्रतिशतसम्म थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच