काठमाडौं । नेक्सजेन म्यानेजमेन्ट सोलुसन्सले काठमाडौंमा युवा इनोभेटर्स भेला आयोजना गरेको छ । ग्लोबल आइएमई बैंकका प्रमुख कार्यकारी अधिकृत रत्नराज बज्राचार्यको अध्यक्षतामा भएको कार्यक्रममा नेपाल बैंक र कृषि विकास बैंकका पूर्वप्रमुख कार्यकारी अधिकृत तथा बिमा प्राधिकरणका पूर्वअध्यक्ष देवेन्द्रप्रताप शाह, विजय लघुवित्तका सिइओ तथा लघुवित्त बैंकर्स संघका पूर्वअध्यक्ष वसन्तराज लम्साल, होटल सेभेनस्टारका प्रबन्ध निर्देशक माधव दुवाडी, व्यवसायी सुरेश सापकोटालगायतका विभिन्न क्षेत्रका उद्यमी, व्यवसायी, युवा इनोभेटर्सको सहभागिता थियो ।
हरेक वर्ष १०औँ लाख युवा रोजगारीको खोजीमा विदेश पलायन भइरहेको अवस्थामा देशमै सानो पुँजीमा गर्न सकिने थुप्रै व्यवसाय रहेको जानकारी दिन कार्यक्रम आयोजना गरिएको आयोजकले जनाएको छ । सरकारी निकायबाट झै-झमेला तथा बैंक बित्तीय संस्थाबाट सही सल्लाह र सजिलै कर्जा नपाउँदा देशमा काम गर्ने वातावरण बन्न नसकिरहेको अवस्थालाई नेक्सजेनले सहजीकरण गर्ने जनाएको छ । सीप, जाँगर र चाहना हुँदाहुँदै पनि बाध्य भएर युवाको रोजाइ विदेश हुन गइरहेको भन्दै कार्यक्रममा सहभागी युवा इनोभेटर्सहरूले चिन्ता व्यक्त गरेका थिए ।
पूर्व बैंकर देवेन्द्रप्रताप शाहले आफ्नो क्षमता देखाउन युवा इनोभेटर्स अघि सर्नुपर्ने बताउनुभयो भने ग्लोबल आइएमई बैंकका प्रमुख कार्यकारी अधिकृत बज्राचार्यले बैंकले लगानीका लागि राम्रो ठाउँ खोजिरहने भएकाले बैंकको विश्वास जित्ने गरी इनोभेटर्सले काम गर्नुपर्ने बताउनुभएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच