काठमाडौं । निर्वाचन आयोगले लेखापरीक्षण प्रतिवेदन सम्बन्धमा विभिन्न दलहरूलाई स्पष्टीकरण सोधेको छ । आयोगले यसपालिको लेखापरीक्षण नबुझाउने, समयमा नबुझाउने र समयमा बुझाएर पनि सार्वजनिक नगर्ने विभिन्न दलहरूलाई स्पष्टीकरण सोधेको हो । आयोगका सहायक प्रवक्ता रामदत्त पाण्डेयका अनुसार १५ दलहरूले आर्थिक वर्ष २०७९/०८० को लेखापरीक्षण प्रतिवेदन बुझाएका छैनन् । चुरेभावर लोकतान्त्रिक पार्टी, राष्ट्रिय एकता पार्टी प्रजातान्त्रिक, शिव सेना नेपाल, संघीय लोकतान्त्रिक राष्ट्रिय मञ्च (थरूहट), राष्ट्रवादी एकता पार्टी, राष्ट्रिय एकता मञ्च, हाम्रो नेपाल पार्टी लगायतका १५ पार्टीहरूलाई आयोगले सातदिने स्पष्टीकरण सोधेको हो । ‘...लेखा परीक्षण प्रतिवेदन कानुनबमोजिम तोकिएको समयावधिभित्र किन पेस नगरेको हो ?
लेखापरीक्षण प्रतिवेदन आयोगमा पेस गर्ने कार्य नगरेकाले तपाईंलाई राजनीतिक दल सम्बन्धी ऐन, २०७३ को दफा ५४ को उपदफा (५) को खण्ड (क) बमोजिम किन कारबाही हुनु नपर्ने हो ? भन्ने बेहोराको आफ्नो सफाइ सहितको स्पष्टीकरण सोही ऐनको दफा ५४ को उपदफा (८) बमोजिम पेस गर्न ७ (सात) दिनको समयावधि दिई पत्राचार गर्ने,’ पाण्डेयले जारी गरेको विज्ञप्तिमा उल्लेख छ । त्यस्तै, समय व्यतित भएपछि पेस गर्ने १३ दलहरूलाई पनि आयोगले स्पष्टीकरण सोधेको छ । समयमा लेखापरीक्षण प्रतिवेदन पेस नगर्ने पार्टीहरूमा नेपाली कांग्रेस बिपी, नेपाल कम्युनिष्ट पार्टी (माक्र्सवादी), समावेशी समाजवादी पार्टी, देशभक्त जनगणतान्त्रिक मोर्चा, नेपाल सद्भावना पार्टी, तराई मधेश लोकतान्त्रिक पार्टी लगायतका छन् ।
गान्धीवादी पार्टी, नेपाल राष्ट्रवादी पार्टी, माओवादी जनमुक्ति पार्टी नेपाल, नेपाल कम्युनिष्ट पार्टी परिवर्तन, सामाजिक एकता पार्टी र साझा पार्टी नेपालले लगातार दुई आर्थिक वर्षको लेखापरीक्षण प्रतिवेदन पेस नगरेको आयोगले जनाएको छ । यी पार्टीलाई पनि स्पष्टीकरण सोधिएको सहप्रवक्ता पाण्डेयले जानकारी दिनुभयो । लगातार तीन आर्थिक वर्षसम्म लेखापरीक्षण प्रतिवेदन पेस नगर्ने पार्टीहरू आम आदमी पार्टी नेपाल, राष्ट्रिय जनमुखी पार्टी लोकतान्त्रिक, नेपाल कम्युनिष्ट पार्टी लोकतान्त्रिकलाई पनि आयोगले सात दिनभित्र स्पष्टीकरण बुझाउन भनेको छ । ०७९/०८० को लेखापरीक्षण समयभित्र बुझाउने तर सार्वजनिक नगर्ने २० दल छन् । मधेश तराई फोरम, नेपाल परिवार दल, नेपाः राष्ट्रिय पार्टी, त्रिमुल पार्टी, बहुजन पार्टी नेपाल, मौलिक जरोकिलो पार्टी, विवेकशील साझा पार्टीलगायत २० दललाई सात दिनभित्र लेखापरीक्षण प्रतिवेदन सार्वजनिक गरी त्यसको विवरण आयोगमा पेस गर्न आयोगले निर्देशन दिएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच