काठमाडौं । युएईमा हुने एसियाली यू-२० एथलेटिक्स च्याम्पियनसिपमा सहभागी हुन चार खेलाडीसहित पाँच सदस्यीय नेपाली टोली सोमबार दुबई प्रस्थान गरेको छ । यही वैशाख १२ देखि १५ गतेसम्म हुने प्रतियोगितामा नेपालबाट तीन पुरुष र एक महिला गरी चार खेलाडीले सहभागी छन् । नेपाली खेलाडीमा पुरुषतर्फ वादल कार्की, आदेशकुमार यादव र अजय विक तथा महिलामा कल्पना बुढा हुनुहुन्छ ।
वादलले पुरुष ८०० र १५०० मिटरमा, आदेश कुमारले १०० र २०० मिटरमा तथा अजय विकले १५०० र ३००० मिटर दौडमा प्रतिस्पर्धा गर्नुहुनेछ । यस्तै, कल्पना महिला १५०० र ३००० मिटरमा सहभागी हुनुहुनेछ ।
चारै खेलाडी राष्ट्रिय खेलकुद परिषद् (राखेप) को आयोजनामा गत बिहीबार सम्पन्न १४औँ राष्ट्रपति रनिङ शिल्डका पदक विजेता हुनुहुन्छ । एथलेटिक्सकी मुख्य प्रशिक्षक कान्ति महतो हुनुहुन्छ । आइतबार बिदाइ कार्यक्रममा राखेपका सदस्य-सचिव टंकलाल घिसिङले टोलीलाई सफलताको शुभकामना दिनुभएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच