काठमाडौं । जीवन बिमा कम्पनीले पहिलो तीन वर्षभित्र बिमालेख समर्पणबापत रकम फिर्ता गर्न नसकिने जनाएका छन् । उक्त निर्देशन पालना गर्दा कम्पनी नै टाट पल्टिने भन्दै नेपाल बिमा प्राधिकरणलाई जीवन बिमक संघले रकम फिर्ता गर्न नसकिने जानकारी गराएको हो ।
बिमितबाट पहिलो वर्ष उठेको प्रिमियमको एक सय एक प्रतिशत, दोस्रो प्रिमियमको ७६ प्रतिशत र तेस्रो प्रिमियमको ६५ प्रतिशत रकम विभिन्न शीर्षकमा खर्च हुने भएकाले तीन वर्षभित्र समर्पण गरेकाको ७५ प्रतिशत रकम फिर्ता गर्न नसकिने संघले उल्लेख गरेको छ ।
अन्तर्राष्ट्रिय अभ्यास र भूतप्रवाही हुने गरी पालना गर्दाको कानुनी अड्चनलगायतका कारण देखाएर कुनै पनि हालतमा तीन वर्षभित्र समर्पण गर्ने पोलिसीमा ७५ प्रतिशत रकम फिर्ता गर्न नसकिने संघको जिकिर छ ।
संसद्को सार्वजनिक लेखा समितिले गत पुस १२ गते प्राधिकरणलाई तीन वर्षभित्रै समर्पण गर्ने बिमितलाई न्यूनतम सञ्चालन शुल्क २५ प्रतिशत लिई बाँकी रकम सम्बन्धित बिमितलाई फिर्ता गर्ने व्यवस्था मिलाउन निर्देशन दिएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच