काठमाडौं । शहीद स्मारक ‘सी’ डिभिजन लिगका क्लब र अखिल नेपाल फुटबल संघ (एन्फा)बीच लिगका खेल सुचारु गर्न सहमति भएको छ । आरसी–३२ फुटबल एकेडेमीलाई कारबाही नगरेको भन्दै शहीद स्मारक ‘सी’ डिभिजन लिगका क्लबहरूले खेल खेल्न अस्वीकार गरेपछि एन्फा र क्लबहरूबीच भएको वार्ताबाट लिग सुचारु गर्ने सहमति भएको हो ।
लिगमा शुक्रबार दिउँसो १ बजेदेखि स्वयम्भू क्लब र सामाजिक युथ क्लबले प्रतिस्पर्धा गर्ने तालिका थियो । तर, दुवै क्लबले मैदान उत्रिन अस्वीकार गरेपछि खेल एक घण्टा अवरुद्ध बनेको थियो । एन्फाले शनिबारसम्म उजुरी उपर छानविन गर्ने बताएपछि क्लबहरूले शुक्रबारको खेल खेल्ने निर्णय गरेका थिए । यदि शनिबार पनि उजुरीप्रति एन्फाले कदम नचालेमा लिगका अरू खेल नखेल्ने क्लबहरूको निर्णय छ ।
यसअघि लिगका नौ क्लबले गत सोमबार लिगमा आबद्ध क्लबहरूले आरसी-३२ फुटबल एकेडेमीले अर्को क्लबमा आबद्ध खेलाडीलाई नियमविपरीत खेलाएको भन्दै अखिल नेपाल फुटबल संघ (एन्फा)लाई ध्यानाकर्षण पत्र बुझाएका थिए ।
लिगका नौ क्लबले एन्फालाई खेलाडी दर्ता नियमावलीमा एक खेलाडी एक क्लबमा मात्र दर्ता भएर खेल्न सक्ने नियम स्मरण गराउँदै आरसी–३२ ले ‘बी’ डिभिजन क्लब झापा फुटबल क्लबमा दर्ता भएका सुमनबहादुर मगरलाई खेलाएको भन्दै कारबाहीको समेत माग गरेका थिए । एन्फा अध्यक्षलाई पत्र बुझाउनेमा महावीर क्लब, खालीबारी युवा फुटबल क्लब, स्वयम्भू क्लब, सामाजिक युवा क्लब, झम्सीखेल युथ क्लब, मनोहरा एकीकृत युवा क्लब, पुल्चोक स्पोर्ट्स क्लब, गोलबजार स्पोर्ट्स क्लब र समाज कल्याण खेलकुद केन्द्र छन् ।
आरसी ३२ ले टोलीबाट हटायो विवादित दुई खेलाडीलाई
आरसी ३२ ले विवादित सुमनबहादुर मगर र बबिन बोहरालाई टोलीबाट हटाएको छ । शहीद स्मारक ‘सी’ डिभिजनका १४ मध्ये नौ क्लबले नियमविपरित अर्कै क्लबमा आबद्ध खेलाडी खेलाएको भन्दै विरोध गरेपछि आरसी ३२ ले समाज कल्याण स्पोर्ट्स सेन्टरसँग खेल्नुअघि उनीहरूलाई टोलीबाट हटाएको हो ।
शुक्रबार नौ क्लबले स्वयम्भू क्लब र सामाजिक यूथ क्लबबीचको खेलमा खेलाडी मैदान उतार्न अस्वीकार गरेपछि अखिल नेपाल फुटबल संघ (एन्फा)ले बैठक राखेको थियो । एन्फा अध्यक्ष पंकजविक्रम नेम्वाङले नियम अनुसार बुझेर निर्णय गर्ने वचन दिएपछि खेल एक घण्टा ढिला गरी खेल सुरु भएको थियो । स्वयम्भूले भने श्री भगवती क्लबमै दर्ता भएको अशोक दर्लामीलाई हटाएर खेल खेल्न सहमत भएको थियो ।
लगत्तै, म्याच कमिश्नर सञ्जीव मिश्रले आरसी ३२ लाई पनि विवादमा परेका दुई खेलाडीलाई हटाउन मैखिक रूपमा भन्नुभएको थियो । तर, मुख्य प्रशिक्षक गणेश खड्काले भने आफूले नियम अनुसार नै खेलाडी खेलाइरहेको कारण कुनै हालतमा सुमन र बबिनलाई टोलीबाट नहटाउने बताउनुभएको थियो । तर, खेल हुन ढिलाइ भएपछि दुई खेलाडीलाई टोलीबाट हटाउँदै आरसी ३२ मैदान उत्रेको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच