काठमाडौं । बुद्ध जयन्तीको अवसर पारेर जेठ १० गतेदेखि सिनेमाघरमा आउने तयारीमा रहेको चलचित्र ‘फर्की फर्की’ को नयाँ गीत ‘अन्तिम माया’ सार्वजनिक भएको छ । नरेन लिम्बूले सात वर्षअघि कम्पोज गरेको चर्चित पपगीत ‘अन्तिम माया’ लाई रि-एरेञ्ज गर्दै निर्माण टिमले शुक्रबार सार्वजनिक गरेको हो । गीतको शब्द, संगीत र कम्पोज नरेनकै छ ।
गीतको भिडियोमा अभिनेता अनमोल केसी र अभिनेत्री जसिता गुरुङ फिचर्ड हुनुहुन्छ । नरेन र अनमोलबीच यो दोस्रो सांगीतिक सहकार्य हो । नौ वर्षअघि सार्वजनिक भएको अनमोल स्टारर चलचित्र ‘जेरी’मा पनि नरेनकै हिट गीत ‘भन्न आउँदैन’लाई पुनः एरेञ्ज गर्दै समावेश गरिएको थियो ।
चलचित्र ‘फर्की फर्की’ लाई सुयोग गुरूङले लेखन एवं निर्देशन गर्नुभएको हो । रोहित अधिकारी फिल्मस्को प्रस्तुति रहेको यस चलचित्रको निर्माता रोहित अधिकारी र ओमप्रकाश अग्रवाल हुनुहुन्छ । टाइम ट्राभलको कथालाई उठान गरेको चलचित्रमा अनमोल र जसिताका साथमा रवि काफ्ले र समृद्धि अर्याल पनि शीर्ष भूमिकामा हुनुहुन्छ ।
नरेन्द्र मैनालीको डिओपी, अष्ट महर्जनको द्वन्द्व, किरण थापाको कोरियोग्राफी र सुरेन्द्र पौडेलको सम्पादन रहेको चलचित्रलाई काफिया फिल्मस् र कुबेर फिल्मले वितरण गर्नेछन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच