काठमाडौं । कामको भविष्यः परिवर्तित परिदृश्य आत्मसात भन्ने नाराका साथ नेपाल व्यवस्थापन संघको आयोजनामा जेठ १८ गते काठमाडौंमा ‘सिइओ कन्फरेन्स’ हुने भएको छ । सम्मेलनमा अन्तर्राष्ट्रिय विज्ञबाट अनुसन्धानमा आधारित दृष्टिकोण, ज्ञान एवं विचार प्रस्तुत हुने बताइएको छ । कोरोना, अनिश्चितता तथा जोखिमले अर्थतन्त्रलाई गाँजिरहेका सन्दर्भमा सम्मेलनले वैश्विक मुद्दा सम्बोधनका लागि नेपालको व्यवस्थापनका सन्दर्भमा नवप्रवर्तनमा आधारित सोच, ज्ञान, व्यावहारिक पहल आदानप्रदान र सहकार्यका लागि मञ्च प्रदान गर्ने आयोजकको दाबी छ ।
नेपाल व्यवस्थापन संघका अध्यक्ष मोहनराज ओझाले सम्मेलनको मुख्य उद्देश्य सरोकारवालालाई प्रविधि, उदयमान उद्योग, नवप्रवर्तनमा आधारित व्यावसायिक मोडलद्वारा परिचालित परिवर्तित कार्यस्थलको भविष्य आत्मसात गर्न सहयोग गर्नु रहेको बताउनुभयो । आयोजकका अनुसार सम्मेलनमा चार विषयगत सत्र सञ्चालन हुनेछन् । पहिलो सत्र सम्मेलनको मुख्य विषवस्तुमा आधारित छ भने दोस्रो सत्रमा सफलताका कथाः शून्यदेखि आकाशसम्म, तेस्रो सत्र अस्थिर, अनिश्चित, जटिल र अस्पष्ट विश्वमा सफलता हासिल गर्ने रणनीतिमा आधारित रहनेछ ।
अन्तिम सत्र डिजिटल रूपान्तरणसम्बन्धी रहेको छ । कार्यक्रमका मुख्य वक्ता स्ट्राटेजाका संस्थापक एवं ग्लोबल म्यानेजिङ पार्टनर इयान पालिस्टर, इन्भेष्ट इण्डियाका सिइओ दिपक बागला, एमपी फिनटेकका प्रमुख सञ्चालन अधिकृत प्रभु रंगराजन र फ्युज मेसिनका संस्थापक डा. समीर मास्के रहेका छन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच