काठमाडौं । मोर्डन इंग्लिश स्कुलले आयोजना गरेको एमआईएस कप अन्तर विद्यालय खेलकुद प्रतियोगिता बुधबार सम्पन्न भएको छ । चन्दबाग, ज्ञानोदय, रुपिज, आलोक विद्याश्रम, डीएभी स्कुल, त्रियोग, सेन्ट्रल युनिभर्सिटी, आलोक विद्याश्रम, एमआईएस गरी नौ विद्यालयका करिब ७०० विद्यार्थीले ६ खेलमा प्रतिस्पर्धा गरेका थिए । बास्केटबल, क्रिकेट, ब्याडमिन्टन, टेबलटेनिस, चेस, फुटसलमा प्रतिस्पर्धा भएको थियो ।
टेबलटेनिसको महिला फाइनलमा एमआईएस गल्र्स टिमले डीएभी गल्र्स टिमलाई ३-२ सेटमा पराजित गर्यो । टेबलटेनिसको पुरुषतर्फ डीएभी ब्वाइज टिमले एमआईएस ब्वाइज टिमलाई ३-१ सेटमा पराजित ग¥यो ।
बास्केटबल पुरुषतर्फ फाइनलमा ज्ञानोदयले एमआईएसलाई ३०-२४ ले हरायो । यस्तै बास्केटबल महिलातर्फको फाइनलमा चन्दबागले त्रियोगलाई ११-८ ले हरायो । फुटसलतर्फ डीएभीले एमआईएसलाई ५-० ले पराजित गर्यो । यस्तै, चेसमा आशिष गुप्ता (एमआईएस) ले फाइनलमा आवस रिमाल (त्रियोग) लाई हराउनुभयो । ब्याडमिन्टन पुरुषतर्फ प्रिन्सकुमार शाह (एमआईएस) ले फाइनलमा श्रीशराज प्रधान (ज्ञानोदय) लाई हराउनुभयो भने ब्याडमिन्टन महिलातर्फ ज्योति श्रेष्ठ (त्रियोग) ले नीवा थापा (डीएभी) लाई हराउनुभयो ।
क्रिकेटको फाइनलमा डीएभीले एमआईएस १८ रनले पराजित ग¥यो । डिएभीले ९१ रन बनाएर अलआउट हुँदा एमआईएसले चार विकेटको क्षतिमा मात्र ७३ रन बनाएको थियो । संयोजक विभा लालले एमआईएस खेलकुद हरेक वर्ष हुने कार्यक्रम रहेको बताउँदै विद्यालयबीचको अन्तरक्रिया र विद्यार्थीलाई प्रतिस्पर्धा र उत्कृष्टताका लागि मञ्च उपलब्ध गराउने यस प्रतियोगिताको उद्देश्य रहेको जानकारी दिनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच