-हाेमनाथ सापकाेटा
चितवन । चितवनको कालिका नगरपालिकाले पशुपालक किसानलाई ८० प्रतिशत अनुदानमा आधुनिक कृषि उपकरण वितरण गरेको छ ।
दुध उत्पादन बढाउन र लागत मूल्य कम गर्न नगरपालिकाले पशुसेवा शाखा मार्फत पशुपालक किसानलाई चापाकटर, दाना बनाउने मेसिन, ठेलागाडा र गर्भवती तथा सुत्केरी बंगुरलाई फिड सप्लिमेन्ट वितरण गरेको हो ।
नगरपालिकाको आर्थिक वर्ष २०८०/०८१ को रु ८ लाखको बजेट मार्फत ७ जना पशुपालक किसानलाई चापाकटर, ८ जनालाई दाना बनाउने मेसिन, २० जनालाई ठेलागाडा र गर्भवती तथा सुत्केरी बंगुर भएका २९ जना किसानलाई निःशुल्क (शत प्रतिशत अनुदान) मा फिड सप्लिमेन्ट वितरण गरिएको मेयर विनोद रेग्मीले जानकारी दिनुभयो ।
मेयर रेग्मी, उपमेयर बिमला तामाङ, प्रमुख प्रशासकीय अधिकृत चुडामणि शर्मा गौतम, आर्थिक विकास समितिका संयोजक दीपक सिंह परियार, वडा अध्यक्षलगायतले संयुक्त रुपमा कृषि उपकरण हस्तान्तरण गरेका थिए । सो अवसरमा मेयर रेग्मीले कृषि र पशुपालनमा किसानलाई आत्मनिर्भर बनाउन कृषि उपकरण प्रदान गरिएको बताउनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच