बार्सिलोना । स्पेनिस ला लिगाको अन्तिम खेलमा सेभियालाई २-१ ले हराउँदै साबिक विजेता बार्सिलोनाले प्रशिक्षक जाभी हर्नान्डेजको सुखद बिदाइ गरेको छ । आइतबार राती सेभियाको मैदानमा बार्सिलोनालाई जिताउन रोबर्ट लेवान्डोस्की र फेर्मिन लोपेजले गोल गर्नुभयो । सेभियाका लागि युसेफ एन नासरीले गोल गर्नुभयो ।
लिग सम्पन्न हुँदा बार्सिलोना ३८ खेबलाट ८५ अंकसाथ दोस्रो स्थानमा चित्त बुझाउन बाध्य भएको हो । पछिल्लो सिजन उपविजेता भएको रियल म्याड्रिड समान खेलबाट ९५ अंकसहित च्याम्पियन बन्यो । जिरोना तेस्रो र एट्लेटिको म्याड्रिडले पनि शीर्ष चारमा रहँदै च्याम्पियन्स लिग सुरक्षित गरेका हुन् ।
यसअघि जाभीले गत जनवरीमै क्लब छाड्ने बताउनुभएको थियो । तर, अप्रिलमा क्लब व्यवस्थापकसँगको सल्लाहपछि पुनः सम्झौता नवीकरण गर्ने स्थितिमा पुगेको थियो । तर, पछिल्लो साता क्लब र प्रशिक्षक दुवैले सम्झौता नवीकरण हुन नसक्ने बताएका हुन् । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच