काठमाडौं । आगामी जुन १४ देखि जुलाई १४ सम्म जर्मनीमा आयोजना हुने युरो २०२४ का लागि स्पेनको प्रारम्भिक टोली घोषणा भएको छ । प्रारम्भिक टोलीमा २९ खेलाडीको नाम सार्वजनिक गरेको हो । प्रारम्भिक टोली घोषणा गर्दा एस्टन भिल्लाका डिफेन्डर पाउ टोरेस, टोटनहमका पेड्रो पोरो र ३८ क्याप खेल्नुभएका पेरिस सेन्ट जर्मेनका फरवार्ड मार्को एसेन्सियोले टोलीमा स्थान बनाउन सक्नुभएन ।
यस्तै, बार्सिलोनाकै फर्मिन लोपेज र अयोज पेरेज पहिलोपटक सिनियर टोलीको प्रारम्भिक सूचीमा पर्नुभएको छ । चोटका कारण गाभी, एलेहान्द्रो बाल्डे र जोश गाया टोलीबाहिर रहनुभएको छ ।
यस्तै, म्यानचेस्टर सिटीका मिडफिल्डर रोड्री, चेल्सीका मार्क कुकुरेला र आर्सनलका गोलकिपर डेभिड राय युरोपियन च्याम्पियनसिपका लागि स्पेनको प्रारम्भिक टोलीमा समेटिनुभएको छ । अब यसबाट तीन खेलाडी कटौती हुनेछन् ।
डिसेम्बर २०२२ मा मोरक्कोविरुद्ध अन्तिम १६ मा विश्वकपबाट बाहिरिएपछि डे ला फुएन्टे लुइस एनरिकको उत्तराधिकारीका रूपमा नियुक्त हुनुभएको थियो ।
उहाँको प्रशिक्षणमा स्पेनले सन् २०२३ मा युइएफए नेसन्स लिगको उपाधि जितेको थियो । जुन स्पेनको ११ वर्षपछिको पहिलो अन्तर्राष्ट्रिय ट्रफी हो । स्पेनले जुन १५ मा बर्लिनस्थित ओलम्पिक स्टेडियममा क्रोएसियासँग खेल्दै युरो २०२४ को सुरुवात गर्नेछ । युरोअघि स्पेनले एण्डोरा र नर्दन आयरल्याण्डसँग मैत्रीपूर्ण खेल खेल्नेछ । सन् २००८ र २०१२ को च्याम्पियन स्पेनको समूहमा इटाली, क्रोएसिया र अल्बानिया रहेका छन् ।
स्पेनको प्रारम्भिक टोली
गोलरक्षक- एलेक्स रेमिरो (रियल सोसिडाड), डेभिड राय (ब्रेन्टफर्ड-लोनमा आर्सनल), युनाई साइमन (एथलेटिको बिलबाओ)
डिफेन्डर- एमेरिक लापोर्टे (अल नासर), रोबिन ले नोर्मान्ड (रियल सोसिडाड), एलेक्स ग्रिमाल्डो (बायर लेभरकुसेन), ड्यानी कार्भाजल (रियल म्याड्रिड), ड्यानी भिभियन (एथलेटिको बिल्बाओ), जेसस नाभास (सेभिया), नाचो (रियल म्याड्रिड), मार्क कुकारेला (चेल्सी), पाउ क्युबार्सी (बार्सिलोना)
मिडफिल्डर- मिकेल मेरिनो (रियल सोसिडाड), फाबियन रुइज (पिएसजी), एलेक्स बेना (भिल्लारियल), मार्टिन जुबिमेन्डी (रियल सोसिडाड), रोड्रिगो (म्यानचेस्टर सिटी), लोरेन्टे (एथलेटिको म्याड्रिड), पेड्री (बार्सिलोना), एरिक गार्सिया (लोनमा बार्सिलोनाबाट जिरोना), फर्मिन (बार्सिलोना)
फरवार्ड- अल्भारो मोराटा (एटलेटिको म्याड्रिड), ड्यानी ओल्मो (आरबी लाइप्जिग), जोसेलु (इस्पानियोलबाट लोनमा रियल म्याड्रिड), लामिन यमल (बार्सिलोना), मिकेल ओयार्जबाल (रियल सोसिडाड), अयोज पेरेज (रियल बेटिस), फेरान टोरेस (बार्सिलोना) विलियम्स जेआर (एथलेटिको बिल्बाओ) ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच