चितवन । चितवनको सौराह नजिक रत्ननगर नगरपालिकाको वडा नं. १० मा निर्माणाधीन पर्यटकीय पार्कको ५५ प्रतिशत काम सम्पन्न भएको छ । पर्यटन प्रवद्र्धनमा कोशेढुंगा साबित हुने विश्वासका साथ निर्माण सुरु भएको पर्यटकीय पार्कका लागि नगरले १६ करोड ४० लाख ७६ हजार ९८२ रुपैयाँको लागत इस्टिमेटसहित ठेक्का आहृवान गरेको थियो । भरतपुर-४ मा रहेको डाइनामिक कन्स्ट्रक्सन प्रालिले २०८० फागुन ७ गते ११ करोड ५४ लाख ६२ हजार २८२ रुपैयाँमा ठेक्का सम्झौता गरी २०८२ वैशाख २८ गतेभित्र निर्माण सम्पन्न गर्ने गरी काम सुरु गरेको थियो ।
अहिलेसम्म ६ करोड तीन लाख ६३ हजार ८८७ रुपैयाँ बराबर अर्थात् करिब ५५ प्रतिशत निर्माण सम्पन्न भइसकेको रत्ननगर नगरपालिका पूर्वाधार शाखाका प्रमुख इञ्जिनियर कृष्णप्रसाद उपाध्यायले जानकारी दिनुभयो । उहाँका अनुसार यही रफ्तारमा काम अगाडि बढे आगामी आर्थिक वर्षको असोज मसान्तभित्रै निर्माण सम्पन्न हुनेछ ।
पर्यटकीय पार्क निर्माणपश्चात् व्यस्त जीवनशैलीले मानिसमा हुने धपेडी र तनाव व्यवस्थापन हुनुका साथै असीमित आनन्दका साथ रमाउन सकिने नगरप्रमुख प्रल्हाद सापकोटाले बताउनुभयो । पार्कभित्र निलो तालसहितको दृश्यले पर्यटकलाई फरक अनुभूति गराउने उहाँले दाबी गर्नुभयो । पार्कभित्र सुविधासम्पन्न होटल, रेस्टुराँ, विश्रामस्थल, स्विमिङ पुल, बोटिङ, जिप लाइन, पिङ, चार्जिङ स्टेसनलगायतका गतिविधि सञ्चालन हुनेछन् ।
पञ्चनदीको संगमस्थल खगेरी नदी किनारमा निर्माणाधीन उक्त पार्कले समग्र रत्ननगरकै पर्यटन प्रवद्र्धनमा टेवा पुग्ने विश्वास उहाँले व्यक्त गर्नुभयो । पाँचवटा आकर्षक भिल्लाको बीचमा तलाउ, भिल्लाहरूलाई एकापसमा जोड्ने आकर्षक आकाशे पुल, वरपरको वातावरणमा मनमोहक बगैँचा, विविध खेलहरू खेल्न मिल्ने स्थान, खगेरीको तालमा मिनीक्रुज सिप, नजिकै कृष्णसार संरक्षण क्षेत्रलगायतले पार्क पर्यटकका लागि आकर्षणको केन्द्र हुने नगर उपप्रमुख यादव पाठकले बताउनुभयो ।
पार्कको सम्पूर्ण संरचना निर्माण गर्न ५९ करोड ५४ लाख ८२ हजार ६ रुपैयाँको डिपिआर तयार गरिएको र थप ४३ करोड रुपैयाँ संघीय सरकार, प्रदेश सरकार र स्थानीय सरकारको लागत साझेदारी रहने इञ्जिनियर पंकज गिरीले जानकारी दिनुभयो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच