इन्टर मियामीको सहज जित

हिमालय टाइम्स

४ श्रावण २०८१, शुक्रबार ०४:०७

Read Time = 2 mins

सिफारिस

खेलकुदको विकासमा निरन्तर लाग्ने मन्त्री चौधारीको प्रतिबद्धता

प्रिन्ट संस्करण

खेलकुद

फुटबल

A A- A+

काठमाडौं । इन्टर मियामीले अमेरिकी मेजर लिग सकरमा सहज जित निकालेको छ । बिहीबार बिहान भएको खेलमा मियामीले टोरेन्टो एफसीलाई ३-१ ले हराएको हो । मियामीको जितमा फेडेरिको रेडोन्डोले महत्वपूर्ण भूमिका खेल्नुभयो । उहाँले दुई गोलसाथै एक गोलका लागि असिस्ट गर्नुभयो ।

जितपछि इन्टर मियामी २४ खेलबाट ५० अंकसहित शीर्ष स्थानमा उक्लिएको छ । टोलीले १५ खेल जित्दा पाँच बराबर र चार हार बेहोरेको छ । समान खेलबाट ४८ अंक जोडेको सिन्सिनाती दोस्रो स्थानमा छ । पराजित टोरेन्टो १८औँ स्थानमा छ ।

यसै खेलमार्फत् लुइस स्वारेजले टोलीमा कमब्याक गर्नुभएको छ । उहाँ कोपो अमेरिका खेल्न उरुग्वे टोलीमा हुनुहुन्थ्यो । स्वारेज ६१औँ मिनेटमा मैदान प्रवेश गर्नुभएको थियो । घरेलु मैदानमा मियामीले खेलको ४३औँ मिनेटमा अग्रता बनाएको थियो ।

डिअगो गोमेजले रेडोन्डोको पासमा गोल गर्नुभएको थियो । जुलियन ग्रेसलको पासमा रेडोन्डोले ५३औँ मिनेटमा २-० को अग्रता बनाउनुभयो । गोमेजकै पासमा रेडोन्डोले ५९औँ मिनेटमा तेस्रो गोल गर्नुभयो । ८०औँ मिनेटमा डेरिक इटिनले एक गोल फर्काउनुभयो ।

यो खबर पढेर तपाईलाई कस्तो महसुस भयो ?