काराकस । भेनेजुएलाका विपक्षी नेता एडमन्डो गान्जालेजले देश छाड्नुभएको छ । राष्ट्रपति पदका उम्मेदवार समेत रहनुभएका गान्जालेजले आइतबार देश छाड्नुभएको अन्तर्राष्ट्रिय सञ्चारमाध्यमले जनाएका छन् । भेनेजुएला सरकारले गोञ्जालेजले देश छोडेर स्पेनमा राजनीतिक शरण मागेको बताएको छ । स्पेनका विदेशमन्त्री मानुएल अल्बेरेसले गोञ्जालेजले भेनेजुएलाबाट स्पेनी वायुसेनाको विमानमार्फत् स्पेन आएको बताउनुभयो । गोञ्जालेजको आग्रहमा आफ्नो देशले सहयोग गरेको उहाँको भनाइ छ । भेनेजुएलाका सबै नागरिकको राजनीतिक अधिकारका लागि स्पेन प्रतिबद्ध रहेको अल्भारेसले बताउनुभयो ।
जुलाईमा भएको राष्ट्रपति चुनावको विवादित नतिजापछि गोञ्जालेजविरुद्ध पक्राउ पुर्जी जारी गरिएको थियो । त्यसयता उहाँ लुकेर बस्दै आउनुभएको थियो । अन्तर्राष्ट्रिय सञ्चारमाध्यमहरूका अनुसार गोञ्जालेज एक महिनादेखि भेनेजुयलामा लुकेर बस्नुभएको थियो । उहाँलाई सुनुवाइका लागि अभियोजनकर्तासमक्ष उपस्थित हुन लगातार पत्राचार गरिए पनि अदालतसामु उपस्थित हुनुभएको थिएन ।
राष्ट्रपति चुनावको नतिजामा सरकार नियन्त्रित राष्ट्रिय निर्वाचन परिषद्ले निकोलस मादुरोलाई विजयी घोषणा गरेको थियो । विपक्षी दलहरूले चुनावमा एडमन्डो गोञ्जालेज विजयी भएको दाबी गरेका छन् । तर अमेरिका, युरोपेली संघ र केही ल्याटिन अमेरिकी देशहरूले मादुरोलाई राष्ट्रपतिको रूपमा मान्यता दिएका छन् ।
यसैबीच, भेनेजुएलाको सुरक्षा बलले राजधानी काराकसमा रहेको अर्जेन्टिनी दूतावासलाई घेराबन्दी गरेको छ । अर्जेन्टिनाको यो दूतावासमा छजना राजनीतिज्ञले शरण लिएका छन् । भेनेजुएलामा भएको राष्ट्रपति चुनावपछि अर्जेन्टिनासँगको सम्बन्ध टुटेको थियो । भेनेजुएलाको चुनावी नतिजालाई शंकास्पद मान्ने देशहरूमध्ये अर्जेन्टिना एक हो । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच