काठमाडौं । भलिबलका अन्तर्राष्ट्रिय रेफ्री विजय केसीले काभा महिला क्लब च्याम्पियनसिपको खेल खेलाउनुहुने भएको छ । गत वर्ष अन्तर्राष्ट्रिय रेफ्रीमा बढुवा हुनुभएका केसीले अर्को साता माल्दिभ्समा हुने काभा महिला क्लब च्याम्पियनसिपको खेल खेलाउनुहुने भएको हो ।
रेफ्रीको जिम्मेवारी निर्वाह गर्न उहाँ बिहीबार त्यसतर्फ प्रस्थान गर्नुहुनेछ । च्याम्पियनसिप भदौ ३० देखि असोज ५ गतेसम्म हुनेछ । नेपालको लिगको विजेताका रूपमा पुलिसले काभा क्लब च्याम्पियनसिपमा भाग लिन लागेको हो ।
केसीले गत वर्ष नेपालमै सम्पन्न काभा महिला च्यालेन्ज कपमा पनि रेफ्रीको जिम्मेवारी पाउनुभएको थियो । उहाँ नेपालमा यसै वर्ष सम्पन्न काभा महिला नेसन्स लिगमा भने रेफ्री म्यानेजरको भूमिकामा हुनुहुन्थ्यो । सशस्त्र प्रहरी बलमा निरीक्षक पदमा कार्यरत रहनुभएका उहाँ पूर्वखेलाडीसमेत हुनुहुन्छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच