भोजपुर । जिल्ला सदरमुकाममा शनिवार भएको भोजपुर बितरक संघको प्रथम साधारण सभा तथा अधिवेशनले शम्भु आचार्यको अध्यक्षतामा सर्वसम्मत नयाँ समिति चयन गरेको छ ।
अधिवेशनले आचार्यको नेतृत्वमा ९ सदस्यीय नयाँ कार्य समिति बनाएको हो । समिति उपाध्यक्षमा प्रकाश श्रेष्ठ, सचिव इश्वर श्रेष्ठ, कोषाध्यक्ष डिक बहादुर कार्की चयन हुनु भएको छ ।
यसै गरी सदस्यहरुमा सविन श्रेष्ठ, घनेन्द्र बिष्ट, तिर्थ तामाङ, सरण तामाङ र प्रेम जोशीलाई अधिवेशनबाट छनौट गरिएको छ ।
नेपाल बितरक महासंघका केन्द्रिय अध्यक्ष हरिराज पन्तले साधारण सभा तथा अधिवेशनको उद्घाटन गर्नु भएको थियो । २०८० बैशाख महिनाबाट सम्वन्धित निकायमा दर्ता भएर बिधिवतरुपमा भोजपुर बितरक संचालनमा रहँदै आएको छ ।
