काठमाडौं । गण्डकी थन्डर्सले एभरेस्ट भलिबल लिगका लागि पहिलो विदेशी खेलाडीको नाम सार्वजनिक गरेको छ । गण्डकीले रसियाकी अपोजिट हिटर एलिसा दुबियकलाई अनुबन्ध गरेको हो । एलिसा रसिया र क्यानडाको घरेलु लिगमा चर्चित अनुहार हुुनुहुन्छ । उहाँले क्यानडाको योर्क युनिभर्सिटीबाट लगातार दुई सिजन ओन्टारियो युनिभर्सिटी प्रतियोगिता खेलिसक्नुभएको छ । उहाँले रसियामा हुने भिस्चा लिग पनि खेल्नुभएको छ ।
पोखरा थन्डर्सका मालिक सौरभ केडियाले रसियाबाट एउटी प्रभावशाली खेलाडी अनुबन्ध गर्न पाउँदा धेरै खुसी लागेको बताउनुभयो । टिमका निर्देशक विकास खेतानले टिमले अन्य दुई खेलाडीको पनि अनुबन्धको तयारी गरेको र छिट्टै सार्वजनिक गर्ने जनाउनुभएको छ । एलिसाको आगमनले गण्डकीलाई प्रतियोगितामा ठूलो हौसला मिल्ने अपेक्षा गरिएको छ ।
नेपाली राष्ट्रिय भलिबल टोलीकी प्रमुख खेलाडी सरस्वती चौधरी मार्की प्लेयर रहेको गण्डकीले रूपेशकुमार विष्टलाई प्रशिक्षणको जिम्मेवारी सुम्पिएको छ । प्रतियोगिता असोज १४ देखि १९ सम्म त्रिपुरेश्वरस्थित राष्ट्रिय खेलकुद परिषद्को कभर्डहलमा हुनेछ । इन्फिनिटी ड्रिम्स प्रालिको आयोजनामा नेपाली भलिबल इतिहामै पहिलोपटक हुन लागेको प्रतियोगितामा ६ फ्रेन्चाइज टोलीले सहभागिता जनाउनेछन् । प्रतियोगितामा मधेश युनाइटेड, काठमाडौं स्पाइकर्स, चितवन शक्ति, ललितपुर क्विन्स, गण्डकी थन्डर्स र टिम कर्णालीले सहभागिता जनाउनेछन् ।
अब गण्डकीले दुई विदेशी ट्यालेन्ट हन्टबाट एक खेलाडी अनुबन्ध गर्न बाँकी छ । हालसम्म गण्डकी थन्डर्सको टोलीमा सरस्वती चौधरी, प्रगति नाथ, कविता भट्ट, रीमा कुँवर, आरती चौधरी, स्नेहा ठगुन्ना, लक्ष्मी चन्द, सरस्वती जैसी र एलिसा दुबियक अनुबन्ध भइसक्नुभएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच