काठमाडौं । एक खेलअगावै नेपाल पुलिस क्लबले काभा महिला भलिबल क्लब च्याम्पियनसिपको प्रारम्भिक चरणमा शतप्रतिशत जित हासिल गरेको छ । शुक्रबार भएको प्रारम्भिक चरणको अन्तिम खेलमा नेपाल पुलिसले घरेलु टोली माल्दिभ्स पुलिस क्लब ३-१ ले पराजित गरेको हो ।
योसँगै नेपाल पुलिसले पाँच खेलबाट १४ अंक जोडेको छ । नेपाल पुलिसले १५ सेट जित्दा तीन सेट मात्रै गुमायो । नेपाल पुलिसले पहिलो सेट २५-१३ ले सहजै जितेको थियो ।
दोस्रो सेट प्रतिस्पर्धात्मक बनेको थियो । तर, नेपाल पुलिसले उक्त सेट २५-२१ ले आफ्नो पक्षमा पार्यो । तेस्रो सेट भने नेपाल पुलिसले २३-२५ ले गुमायो । अन्तिम सेट २५-१९ ले पुनरागमन गर्दै नेपाल पुलिस विजयी बनेको हो ।
बिहीबार घरेलु टोली वाम्कोलाई नेपाल पुलिसले ३-२ को सेटमा पराजित गरेको थियो । अन्य तीन खेलमा भने नेपाल पुलिसले ३-० को सोझो सेटमा जित हासिल गरेको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच