ग्लासगो । स्कटल्याण्डको ग्लासगोमा हुने सन् २०२६ को कमन वेल्थ गेम्समा समावेश गरिने खेलको टुंगो लागेको छ । ७४ टोलीका करिब तीन हजार खेलाडीले सहभागिता जनाउने प्रतियोगितामा १० खेल समावेश गरिएको छ ।
ग्लासगोमा दोस्रोपटक कमन वेल्थ गेम्स हुन लागेको हो । यसअघि ग्लासगोले सन् २०१४ मा यो प्रतियोगिता आयोजना गरेको थियो । यसअघि यो प्रतियोगिता अस्ट्रेलियाको भिक्टोरियामा हुने तय थियो । तर, बजेट अभावका कारण भिक्टोरिया सरकारले प्रतियोगिता गर्न नसक्ने भन्दै नाम फिर्ता लिएको थियो ।
कमन वेल्थ गेम्समा एथलेटिक्स/पार एथलेटिक्स (ट्र्याक र फिल्डमात्र), पौडी/पारा पौडी, कलात्मक जिमनास्टिक्स, ट्र्याक साइकल/पारा ट्र्याक साइकल, नेटबल, भारोत्तोलन/पारा भारोत्तोलन, बक्सिङ, जुडो, बाउल्स/पारा बाउल्स र ‘थ्री बाई थ्री’ बास्केटबल/‘थ्री बाई थ्री’ हिृवलचेयर बास्केटबल रहेका छन् । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच