एजेन्सी । अल हिलाल साउदी प्रो लिगको शीर्ष स्थानमा फर्किएको छ । शुक्रबार राती सम्पन्न खेलमा अल इत्तिफाकलाई पराजित गर्दै अल हिलाल पुन लिगको शीर्ष स्थानमा फर्किएको हो । अल इत्तिफाकलाई ३-१ ले पराजित गरेको अल हिलालले जारी सिजनमा कुनै खेल हारेको छैन । सर्बियन स्ट्राइकर एलेक्सान्डर मिट्रोभिकले पहिलो हाफको अतिरिक्त समयमा लेफ्ट-फुट फिनिसले जाली चुमेपछि अल हिलालले सुरुवाती अग्रता बनायो । ८१औँ मिनेटमा माल्कमले दोस्रो गोल गरेपछि अल हिलालले २-० ले अघि रहृयो ।
इन्जुरी टाइमको चौथो मिनेटमा भिटिन्होले गोल गरेपछि अल इत्तिफाकले पुनरागमनको प्रयास गर्यो । लगत्तै मोहम्मद अल काहतानीले गोल गर्दै अल हिलालको जित सुनिश्चित गर्नुभयो । खेलको अन्तिम सयममा अल इत्तिफाकका अब्दुल्लाह रादिफलाई रातो कार्ड देखाइयो ।
जितसँगै साउदी प्रो लिगमा १० खेलमा नौ जित र एक बराबरीसहित कुल २८ अंक जोडेको अल हिलाल शीर्ष स्थानमा उक्लिएको छ । २७ अंक जोडेको अल इत्तिहाद दोस्रो र ११ अंकसहित अल इत्तिफाक ११औँ स्थानमा छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच