चञ्चल झा/हिटा
रौतहट । रौतहटको सदरमुकाम गौरमा विगत १२ वर्षदेखि निरन्तर सञ्चालन हुँदै आएको जिल्लास्तरीय महिला साइकल दौड प्रतियोगिताको तयारी अन्तिम चरणमा पुगेको छ । हरेक वर्ष प्रजातन्त्र दिवसका अवसरमा हुने जिल्लास्तरीय महिला साइकल दौड प्रतियोगितामा जिल्लाका १८ वटै पालिकाबाट सहभागी हुने गरेको छ । १२औँ जिल्लास्तरीय महिला साइकल दौड प्रतियोगिता २०८१ को फाइनलका लागि छनोट चरण गौर नगरपालिकामा सम्पन्न भएको छ । प्रतियोगितामा जिल्लाका विभिन्न ठाउँहरूबाट १०५ जना महिला प्रतिस्पर्धीहरूले उक्त प्रतियोगितामा सहभागिता जनाएका थिए ।
गौर नगरपालिकाका नगर उपप्रमुख शैलकुमारी साहले रिवन काटेर छनोट चरणको उद्घाटन गर्नुभएको थियो । उद्घाटन समारोहमा उहाँले महिलाहरूको खेलकुद क्षेत्रमा बढ्दो सक्रियता प्रशंसनीय रहेको बताउँदै महिलालाई खेलकुदमार्फत् आत्मनिर्भर र आत्मविश्वासी बनाउने कार्यमा यस्ता प्रतियोगिताहरूले ठूलो योगदान गर्ने बताउनुभयो ।
छनोट प्रतियोगितामा सहभागी १०५ जना खेलाडीलाई १५ वटा समूहमा विभाजन गरिएको र १५ वटै समूहको प्रथम भएका प्रतियोगीहरूले फाइनलमा आफ्नो ठाउँ सुरक्षित गरेका आयोजक संस्था राजदेवी मिडिया सेन्टर गौरले जनाएको छ । जिल्लाका विभिन्न गाउँबाट सहभागी भएकामध्ये रोशनीकुमारी यादव, पिंकी कुमारी, प्रियंका पण्डित, सिमरन जैसवाल, श्रिष्मा रानी पटेल, नुतनकुमारी राम, निकिकुमारी पासवान, मोनिकाकुमारी साह, सञ्जनीकुमारी यादव, अलकाकुमारी साह, रविना साह, मिथलेश कुमारी, सलोनी दास, रानीकुमारी यादव र रितुकुमारी पटेलले आफ्नो समूहमा उत्कृष्ट प्रदर्शन गर्दै प्रथम स्थान हासिल गरी फाइनल प्रतियोगितामा आफ्नो स्थान सुरक्षित गर्नुभएको छ ।
राजदेवी मिडिया सेन्टर गौर रौतहटले विगत १२ वर्षदेखि निरन्तर आयोजना गर्दै आएको जिल्लास्तरीय महिला साइकल दौड प्रतियोगिता जिल्लाको प्रतिष्ठित खेलकुद प्रतियोगितामध्ये एक हो । महिला खेलकुद प्रवद्र्धनका लागि प्रतियोगिता महत्वपूर्ण रहेको छ । महिलाहरूलाई खेलकुदमा अग्रसर गराउन र उनीहरूको प्रतिभालाई उजागर गर्न प्रतियोगिता विशेषरूपमा आयोजना गरिएको आयोजक संस्थाका अध्यक्ष रामपुकार पटेलले बताउनुभयो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच