बुटवल । शाइन रेसुंगा डेभलपमेन्ट बैंकको १७औँ वार्षिकोत्सवका अवसरमा आयोजित १० किलोमिटर राष्ट्रिय दौड प्रतियोगिता उत्सवका रूपमा सम्पन्न भएको छ । तीन विधामा १६ सय जनाले नाम दर्ता गराएकामा ६ सयजनाले प्रतिस्पर्धा गरेका थिए । बैंकको प्रधान कार्यालय बुटवलको कालिकानगरमा उद्घाटन भएको प्रतियोगितामा निकै उत्साहजनक सहभागिता थियो । ‘रन टु शाइन’ नाराका साथ १० किलोमिटर दौडमा सर्वाधिक पुरस्कार राशिसहित बैंकले यो प्रतियोगिता गरेको हो । प्रतियोगिताको खुलातर्फको उपाधि पुरुषतर्फ मिङमार सिंगी तामाङ र महिलातर्फ सन्तोषी श्रेष्ठले जित्नुभएको छ । प्रतियोगितामा च्याम्पियन बन्दै दुवै खेलाडीले नगद एक-एक लाख रुपैयाँ पुरस्कार प्राप्त गर्नुभएको छ ।
सन्तोषीले निर्धारित दूरी ३६ दशमलब २१ सेकेण्डमा पूरा गर्नुभयो । पूर्णराज्य लक्ष्मी न्यौपाने दोस्रो, पुष्पा भण्डारी तेस्रो, आशा रावल चौथो र नारायणी भण्डारी पाँचौं बन्नुभयो । पुरुषतर्फ नागेश्वर ऐर दोस्रो, गणेशसिंह रावत तेस्रो, सञ्जीव नेपाली चौथो र अक्कल बडुवाल पाँचौं हुनुभयो ।
दुवै विधाका दोस्रोले ४० हजार, तेस्रोले २० हजार, चौथोले १५ हजार र पाँचौ हुनेले १० हजार रुपैयाँ प्राप्त गरेका छन् । यस्तै, स्थानीय पाँच किलोमिटर स्पर्धामा शिव रायमाझी र पूजा पछाईं विजेता बन्नुभयोे । पुरुषमा अजय पाण्डे दोस्रो, मुकेश थारु तेस्रो र प्रेमलाल कोहार चौथो बन्नुभयोे । महिलातर्फ तेजमाया कुँवर दोस्रो, प्रकृति घिमिरे तेस्रो र प्रतिभा केवर चौथो बन्नुभयो ।
यस्तै, भेट्रान्स स्पर्धामा महिलातर्फ मनकुमारी रायमाझी पहिलो र गोमा सुवेदी दोस्रो बन्नुभयो । पुरुषतर्फ युवबहादुर राना पहिलो, गोविन्द थापा दोस्रो, केशर सिंह महत तेस्रो र टेकबहादुर बुढाथोकी चौथो हुनुभयो । दुवै स्पर्धाका विजेताले १५ हजार, दोस्रोले १० हजार, तेस्रोले पाँच हजार, चौथोले दुई हजार पाँच सय रुपैयाँ प्राप्त गरेका छन् ।
बुटवल कालिकानगरस्थित बैंकको केन्द्रीय कार्यालयबाट सुरु भएको दौड मणिग्राम चोक पुगेर केन्द्रीय कार्यालयमा आएर समापन भएको थियो । प्रतियोगितामा ओलम्पियन वैकुण्ठ मानन्धर प्रमुख अतिथि रहनुभएको थियो । बैंकका प्रमुख कार्यकारी अधिकृत प्रकाश पौडेलले खेलकुदमार्फत् समाजमा सकारात्मक प्रभाव पार्ने उद्देश्यले कार्यक्रम आयोजना गरिएको बताउनुभयो ।
प्रतियोगितामा क्रिमशन हस्पिटल, सिद्धार्थ प्रिमियर इन्स्योरेन्स लिमिटेड, सगुन फुड्स र रेसुंगा जलले सहकार्य गरेका थिए । साथै सांग्रिला डेभलपमेन्ट बैंक, लुम्बिनी विकास बैंक, मुक्तिनाथ विकास बैंक, गरिमा विकास बंैक, ज्योति विकास बैंक, महालक्ष्मी विकास बैंक, कामना सेवा विकास बैंकले सहयोग गरेका थिए ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच