कालीकोट । कालीकोटको पलाँता गाउँपालिका–६ सैनमा बलात्कार आरोपमा फरार रहेका एक अभियुक्तलाई पक्राउ गर्न गएको प्रहरी टोलीमाथि आक्रमण भएको छ ।
पलाँता गाउँपालिका-६ सैनका ३१ वर्षीय संक बुढालाई प्रकाउ गर्न गएको प्रहरी टोलीमाथि गाउँलेले आक्रमण गरेको हो ।
बुढाले २०७९ असोज ३१ गते गाउँकै एक दलित महिलालाई बलात्कार गरेका थिए । बलात्कार पछि पीडित परिवारले कात्तिक ९ गते जिल्ला प्रहरी कार्यालय कालीकोटमा किटानी जाहेरी दिएको थियो ।
त्यसयता फरार रहेका बुढा घरमा आएको जानकारी पाएपछि सोमबार बिहान करीब ४ बजे उनलाई पक्राउ गर्न इलाका प्रहरी कार्यालय पलाँताका असई लक्ष्मी ढुंगेल सहित ४ जना प्रहरीको टोली सैन पुगेको थियो ।
प्रहरी पुग्दा घरमै सुतिरहेका बुढालाई प्रहरीले हत्कडी लगाएर जिल्ला सदरमुकाम मान्म लिँदै गर्दा गाउँलेले प्रहरीमाथि आक्रमण गरेर अभियुक्त बुढालाई भगाएको प्रहरीले बताएको छ ।
सोमबार बिहान साढे ६ बजे बुढालाई प्रहरीले नियन्त्रणमा लिएर सदरमुकाम लिँदै गर्दा स्थानीयले प्रहरी र पीडित महिलाका परिवारमाथि आक्रमण गरेका हुँन् ।
आक्रमणबाट इलाका प्रहरी कार्यालय पलाँताका असई लक्ष्मी ढुंगेल रावत र अर्का स्थानीय धनमान बिक घाइते भएको जिल्ला प्रहरी कार्यालय कालीकोटका प्रहरी निरीक्षक शुवराज बमले जानकारी दिनुभएको छ ।
घाइते दुबै रको अहिले स्थानीय स्वास्थ्य चोेैकीमा उपचार भइरहेको बताइएको छ । घाइते बिकको अबस्था गम्भीर रहेको प्रहरीले बताएको छ ।
घाइते दुबैलाई हेलिकप्टर मार्फत उद्दारको तयारी भइरहेको पनि खबर प्राप्त भएको छ । घाइतेको उद्दनरका लागि गृह मन्त्रालयमा हेलिकप्टर पठाइदिन पत्राचार गरिएको कालीकोटका निमित्त प्रमुख जिल्ला अधिकारी सरोज अधिकारीले जानकारी दिनुभएको छ ।
बलात्कार आरोपित अभियुक्त बुढा हत्कडी सहित फरार रहेका छन् । उनको खोजि कार्यका लागि जिल्ला प्रहरी कार्यालय र इलाका प्रहरी चोेैकी पलाँताबाट थप प्रहरीको टोली खटाइएको बताइएको छ ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच