न्यूयोर्क । गुगलका सह-संस्थापक तथा विश्वका सबैभन्दा धनी व्यक्तिका सूचीमा छैटौं स्थानमा रहन सफल सर्गी ब्रिनले आफ्नी पत्नी निकोल स्यानाहृयानसँग सम्बन्ध विच्छेदका लागि अदालतमा निवेदन दर्ता गराउनुभएको छ । उहाँहरूबीच वैवाहिक जीवन सुरु भएको तीन वर्षमात्रै भएको छ भने एक-दुई वर्षकी छोरी रहेकी छन् ।
उहाँले गत जनवरीको सुरुमै पारपाचुकेका लागि पहल थाल्नुभएको थियो । ब्रिनले आफूहरूबीच आपसी मतभेदहरू रहेको बताउनुभएको थियो । ब्रिनले आफ्नी दुई वर्षकी छोरीलाई संयुक्त रूपमा साथमा राख्न पाउँ भनी अनुरोध गर्नुभएको छ ।
उहाँले यसका लागि स्यानाहृयानको पत्नीको रूपमा सहयोग नचाहिने र उहाँलाई पनि आफूबाट त्यस्तो सहयोग नदिइयोस् भनेर अनुरोध गर्नुभएको छ । दुवैले आफ्ना मुद्दा अघि बढाउन निजी तथा अस्थायी न्यायाधीशको व्यवस्था गर्नुभएको छ । ब्लुम्वर्गका अनुसार ४८ वर्षीय ब्रिनको सम्पति ९४ अर्ब अमेरिकी डलर बराबर छ । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच