पेरिस । पेरिस सेन्ट जर्मन (पिएसजी) युइएफए च्याम्पियन्स लिगमा बुधबार राती घरेलु मैदानमै एट्लेटिको मड्रिडसँग २-१ ले पराजित भएको छ । जितसँगै चार खेलमा ६ अंक जोडेको एट्लेटिको २३औँ स्थानमा छ । पराजित पिएसजी समान खेलबाट चार अंकका साथ २५औँ स्थानमा छ ।
एट्लेटिकोका लागि नहुएल मोलिना र एन्जल कोरियाले गोल गर्नुभयोे । पिएसजीका लागि वारेन इम्रीले गोल गर्नुभयोे । पार्क डेस प्रिन्सेसमा अग्रता लिएर पनि पिएसजीले त्यसलाई जोगाउन सकेन । खेलको १४औँ मिनेटमा इम्रीले गोल गर्दै पिएसजीलाई अग्रता दिलाउनुभएको थियो । तर, चार मिनेटपछि नै मोलिनाले एट्लेटिकोलाई बराबरीमा ल्याउनुभयो ।
इन्जुरी समयमा कोरियाले गोल गर्दै एट्लेटिकोलाई २-१ को रोमाञ्चक पुनरागमन जित दिलाउनुभयो । बुधबार राती नै सम्पन्न अन्य खेलमा मोनाको बोलोग्ना, क्लब बु्रगले एस्टन भिल्ला र बायर्न म्युनिखले बेन्फिकाविरुद्ध समान १-०, शख्तर डोनेटस्कले योंग ब्वाइज र ब्रेस्टले स्पार्टा प्रहालाई समान २–१ तथा फेयिनोर्डले आरबी साल्जबर्गलाई ३-१ ले पराजित गरे । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच