आगामी दुई वर्षभित्र सबै नागरिकको घरमा बिद्युतीकरण गरिसक्ने लक्ष्य सरकारको छ : उर्जामन्त्री खड्का

निरोज कोइराला भोजपुर, संवाददाता

८ पौष २०८१, सोमबार १७:४९

Read Time = 2 mins

डिजिटल संस्करण

कोशी प्रदेश

प्रदेश समाचार

A A- A+

भोजपुर । सरकारले आगामी दुई वर्षभित्र सबै नागरिकको घरमा बिद्युतीकरण गरिसक्ने लक्ष्य लिएको उर्जा, जलस्रोत तथा सिंचाईमन्त्री दीपक खड्काले बताउनु भएको छ ।

उर्जा विकासले स्थानीय जनतालाई आर्थिक सम्पन्न बनाउन सकिने भन्दै उर्जामन्त्री खड्काले दुई वर्षभित्र सबै नागरिकको घरमा विद्युतीकरण गरिसक्ने लक्ष्य सरकारको रहेको बताउनुभयो ।

बिगत पाँच महिनामा साढे नौ सय मेगावाट बिजुली बिक्री भएको उर्जा, जलस्रोत तथा सिंचाईमन्त्री दीपक खड्काले बताउनु भएको छ । उर्जामन्त्री खडकाले विगतका बर्षमा बार्षिक १८ अर्बसम्मको विजुली भारतबाट किन्दै आएको बताउँदै पाँच महिनाको अवधिमा साढे नौ सय मेगावाट बिजुलीले व्यापार घाटा समानान्तर भएको दाबी गर्नु भयो ।

सोमवार आफनो गृह जिल्ला संखुवासभामा आयोजित कार्यक्रममा बोल्नु हुँदै उर्जामन्त्री खड्काले देशमा भएका १८ देखि २० प्रतिशत गरिवीको रेखामूनी रहेका जनताले पनि हरेक आयोजनाबाट जलविद्युतको शेयर पाउनु पर्ने धारणा राख्नुभयो । विपन्नका लागि आयोजना वा सरकारले कम्तिमा २ लाखको शेयर आयोजना धितो राखेर मालिक बनाउनु पर्ने बताउनुभयो ।

सरोकार

सरकार

यो खबर पढेर तपाईलाई कस्तो महसुस भयो ?