काठमाडौं । नेपाल उद्योग परिसंघ (सिएनआई) प्रदेश १ को आयोजनामा आगामी माघ १९ गतेदेखि विराटनगरमा अन्तर्राष्ट्रियस्तरको कृषि तथा औद्योगिक प्रदर्शनी ‘सिएनआई एक्स्पो २०२३’ हुने भएको छ । प्रदर्शनीमा प्रदेश १ सहित मुलुकका विभिन्न स्थानमा उत्पादित कृषि तथा औद्योगिक उत्पादनका साथै आधुनिक कृषि एवं औद्योगिक मेसिनरी प्रदर्शनी एवं बिक्रीसमेत हुने आयोजकले जनाएको छ ।
प्रदर्शनीमार्फत् नयाँ सञ्चार तथा इलेक्ट्रोनिक्स प्रविधिको पहिचानसँगै कृषिमा हुँदै गएको आधुनिकीकरण, स्वास्थ्य मेडिकल क्षेत्रको नयाँ प्रविधि तथा सामग्रीको पहिचानका साथै प्रदेशमा स्वदेशी वस्तुको उत्पादन साथै व्यावसायीकरणमा जोड दिइने सिएनआईले जनाएको छ ।
स्वदेशीसहित भारत, चीन, बंगलादेश, पाकिस्तानलगायतका मुलुकबाट समेत प्रदर्शनीमा सहभागिताका लागि पहल गरिने आयोजकले जनाएको छ । माघ १९ गतेदेखि २८ गतेसम्म विराटनगर महानगरपालिका–२ स्थित शंकरपुरमार्गमा सञ्चालन हुने मेलामा आधुनिक चारवटा डोम र तीन सय ५० स्टल रहने बताइएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच