म्याग्दी । म्याग्दीको रघुगंगा गाउँपालिका-४ दग्नाममा जलविद्युत आयोजनाका सवारी साधनले सडक जिर्ण गराएको भन्दै आयोजनाका सवारी साधन संचालनमा अवरोध गरिएको छ ।
जलविद्युत आयोजनाका ट्रक र ट्याक्टरहरुको कारण सडक विगारेर जिर्ण अवस्थामा पुगेको र साना सवारी साधन आवत जावत गर्न समस्या भएको भन्दै स्थानीय एकता युवा क्लबको नेतृत्वमा युवाहरुले जलविद्युत आयोजनाका सबै सवारी साधन संचालनमा रोक लगाइएका छन् ।
अहिले सबारी साधनको लाम लागेर रोकिएका छन् । गलेश्वर-पिप्ले-मौवाफाँट-दग्नाम-चिमखोला हुदै यो सडक कुइनेमंगले पुगेको छ ।
यो सडक प्रयोग गरेर चिमखोला र कुइनेमंगलेमा निर्माणधिन तीन जलविद्युत आयोजनाले निमार्ण सामाग्री दुवानी गर्दै आएका छन् ।
सडक अवरुद्व भएपछी २१.३ मेगावाट क्षमताको ठूलोखोला, ३५.५ मेगावाट क्षमताको राहुघाट मङ्गलेलेसमेत र ४८ मेगावाटको अपर राहुघाट जलविद्युतको निमार्ण सामाग्रीको ढुवानी प्रभावित भएको छ ।
दग्नामको वडा कार्यालयले गत पुस २५ गते गाउँपालिका मार्फत जलविद्युत आयोजनाहरुलाई विग्रीएको सडकलाई स्तरोन्नति गर्न पत्राचार गरेको थियो ।
तर सडक स्तरोन्नतिमा आयोजनाहरुले बेवास्ता गरेपछी दबाव दिन सडकमा आयोजनाका सवारी साधन संचालनमा अवरोध गरिएको क्लवले जनाएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच