काठमाण्डौं । निलम्बित प्रधानन्यायाधीश चोलेन्द्रशम्शेर राणा बयान दिन सिंहदरबार पुग्नुभएको छ । महाभियोग सिफारिस समितिको बैठक ११ बजे बस्ने भनिए पनि अझै सुरु भएको छैन । राणा निर्धारित समयमै सिंहदरबार पुगे पनि बैठक सुरु नहुँदा संसद सचिवालयका महासचिवको कार्यकक्षमा प्रतिक्षारत हुनुहुन्छ ।
समितिले विभिन्न २१ वटा विषयसँग जोडिएका प्रश्नको जवाफ राणासँग माग्ने तयारी गरेको छ । महाअभियोग समितिले प्रश्नावलीहरू तयारी गरेको थियो । नेपालको न्यायिक तथा संसदीय इतिहासमा पहिलो पटक प्रधानन्यायाधीशसँग बयान लिन लागिएको हो ।
जबराविरुद्ध संघीय संसद् सचिवालयमा महाअभियोग प्रस्ताव दर्ता भएपछि उहाँको पद निलम्बनमा परेको थियो । राणालाई महाअभियोग लगाउनुपर्ने कारणहरूको अध्ययन गर्ने र आवश्यक प्रमाणहरू जुटाउने क्रममा विभिन्न स्रोतबाट प्रमाणहरू जुटाइएका छन् । त्यसमा नेपाल बार एसोसिएसनले पनि लामो विवरण समितिलाई बुझाएको छ ।
राणाले प्रधानन्यायाधीशको हैसियतमा भ्रष्टाचार गरेको सन्दर्भलाई बलियो मुद्दा बनाउने तयारीमा समिति रहेको छ ।
समितिले त्यसैको सेरोफेरोमा रहेर प्रश्नहरू तयार पारेको छ । राणाले भ्रष्टाचार गरेको, न्यायपरिषद्मा विवाद निकालेको, सहकर्मीले इजलासमा सँगै नबसेकोलगायतका दर्जनौँ प्रश्नहरू तयार गरेको बताइएको छ ।
समितिले भदौ १८ वा १९ गतेभित्र प्रतिनिधिसभालाई प्रतिवेदन बुझाउने गरी कार्यतालिका पारित गरेर अगाडी बढेको छ । २९ भदौभित्र राणाविरुद्धको महाभियोगबारे अध्ययन टुंग्याउने समितिको तयारी छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच