काठमाडौं । साझा प्रकाशनले पुस्ताकालय दिवस र दशैँको अवसर पारेर पुस्तक प्रदर्शनी सुरु गरेको छ । प्रकाशनले नेपाली साहित्यको संरक्षण, पाठकहरूको सहजताका लागि भन्दै भदौ १९ देखि ३१ गतेसम्म पुस्तक प्रदर्शनीको आयोजना गरेको हो ।
पुस्तक प्रदर्शनीमा नेपाली साहित्यका विभिन्न विधाका पुस्तक राखिएको साझा प्रकाशनका महाप्रबन्धक प्रहृलाद पोख्रेलले जानकारी गराउनुभयो । उहाँले नेपाली साहित्यका कथा, कविता, उपन्यास, निवन्ध र शब्दकोसलगायत विभिन्न पुस्तक प्रदर्शनीमा राखिएको बताउनुभयो । महाप्रबन्धक पोख्रेलले पुराना पुस्तकहरू एक रुपैयाँदेखि सात रुपैयाँ र सबैभन्दा महँगो २८ सयसम्म पर्ने पुस्तकहरू प्रदर्शनीमा राखिएको बताउनुभयो ।
उहाँले गत नयाँ वर्षमा गरिएको पुस्तक प्रदर्शनीमा पाठकहरूले देखाएको उत्साहले साझा प्रकाशन उत्साहित भएको भन्दै पुस्तकालय दिवस र दशैँको अवसर पारेर प्रदर्शनी ओजना गरिएको बताउनुभयो । उहाँले २०४० सालभन्दा अगाडि प्रकाशित भएका पुस्तकहरूमा ५० प्रतिशत, २०५० सालभित्र प्रकाशित भएका पुस्तकमा ४० प्रतिशत छुट र २०५१ सालपछि प्रकाशित भएका पुस्तकहरूमा ३० प्रतिशत छुटको व्यवस्था गरेको बताउनुभयो ।
उहाँले शब्दकोशहरूमा २५ प्रतिशत छुट र साझा प्रकाशनबाहेक प्रकाशनका पुस्तकहरूमा ३० प्रतिशत छुटको व्यवस्था गरेको बताउनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच