वीरगञ्ज । जिल्ला प्रशासन कार्यालय पर्साका कम्प्युटर अपरेटर सञ्जय यादव घुससहित पक्राउ परेका छन् । अख्तियार दुरुपयोग अनुसन्धान आयोगको टोलीले सोमबार उनलाई घुस रकमसहित रंगेहात पक्राउ गरेको हो । उनको साथबाट सेवाग्राहीसँग लिएको घुस बापतको पाँच हजार रुपैयाँ बरामद भएको अख्तियारले जनाएको छ ।
हेटौँडास्थित अख्तियारको क्षेत्रीय कार्यालयबाट डिएसपी हेम केसी नेतृत्वमा खटिएको टोलीले जिल्ला प्रशासन कार्यालय पर्साको मुद्दा शाखामा छापा मारेको थियो । सोही क्रममा जग्गा रोक्काको फुकुवा गरिदिने काम गर्न सेवाग्राहीसँग घुस लिँदै गरेको अवस्थामा यादव पक्राउ परेका हुन् ।
सेवाग्राहीसँग घुसबापत माग गरेको पाँच हजार रुपैयाँसहित यादवलाई अख्तियारको टोलीले नियन्त्रणमा लिएको जिल्ला प्रशासन कार्यालय पर्साका सहायक प्रमुख जिल्ला अधिकारी भीमकान्त पौडेलले जानकारी दिनुभयो । उहाँका अनुसार अख्तियारको टोलीले मुद्दा शाखाका कागजात परीक्षण गरेको थियो । घुस रकमसहित पक्राउ परेका यादवलाई आवश्यक अनुसन्धान र कारबाहीका लागि अख्तियारको टोलीले हेटौँडा नै लिएर गएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच