बुटवल । दाङ २ को मतगणना अहिले सुचारु भएको छ । निर्वाचन अधिकृतको हस्ताक्षर नभएका ८८ वटा मतपत्र भेटिएपछि मतगणना रोकिएको थियो ।
मुख्य निर्वाचन अधिकृत कृपासुर कार्कीले निर्वाचन आयोगसँगको समन्वयमा ती मतपत्र बदर गर्ने निर्णय गरेको जानकारी दिनुभयाे । मतको विषयमा निर्णय गर्ने अधिकार मुख्य निर्वाचन अधिकृतलाई भएअनुसार सो निर्णय गरिएको हो । मतपत्रमा हस्ताक्षर नगर्ने निर्वाचन अधिकृतलाई कानुनबमोजिम कारबाही हुने पनि उहाँले बताउनुभयाे ।
८८ वटा मतपत्रमध्ये माओवादी केन्द्रको चुनाव चिह्नमा छाप लगाइएका ४९ वटा र एमालेको चुनाव चिह्नमा छाप लगाइएका ३३ वटा मतपत्रमा निर्वाचन अधिकृतको हस्ताक्षर नभएको पाइएको थियो । राप्रपा र राष्ट्रिय स्वतन्त्र पार्टीका चुनाव चिह्नमा छाप लगाइएका केही मतपत्रमा पनि हस्ताक्षर नभएको पाइएको थियो । मतगणना स्थलमा रहेका राजनीतिक दलले आवाज उठाएपछि करिब आधा घण्टा मतगणना रोकिएको थियो ।
हस्ताक्षर नगरिएका मतपत्र स्वतः बदर हुने मुख्य निर्वाचन अधिकृत कार्कीले बताउनुभयाे । ‘निर्वाचन अधिकृतका हस्ताक्षर नभएका ८८ मतपत्र भेटिएपछि अनौपचारिक रुपमा मतगणना स्थगित भएको जस्तो भयो, त्यसपछि मैले निर्वाचन आयोगसँग समन्वय गरें,’ उहाँले भन्नुभयाे । हस्ताक्षर नगर्ने मतदान अधिकृतलाई छानबिन गरेर कारबाही गर्ने उहाँले बताउनुभयाे ।
हालसम्मको मत परिणाम अनुसार दाङ २ मा एमालेका उम्मेदवार शंकर पोखरेलले पाँच हजार ९३९ मत ल्याउँदा माओवादी केन्द्रकी रेखा शर्माले सात हजार ५११ मत ल्याएर अग्रता कायम राख्नुभएकाे छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच